1. Home

3. Ka whakaoti rapanga e whai wāhi mai ana te tauoti me te hautau māmā, ka whakamārama hoki i te rautaki: rautaki tatau; rautaki whakarōpū; rautaki tohatoha ōrite.

Thanks for visiting NZMaths.
We are preparing to close this site and currently expect this to be in June 2024
but we are reviewing this timing due to the large volume of content to move and
improvements needed to make it easier to find different types of content on
Tāhūrangi. We will update this message again shortly.

For more information visit https://tahurangi.education.govt.nz/updates-to-nzmaths

Taumata 1
Ngā Rautaki Tau

3. Ka whakaoti rapanga e whai wāhi mai ana te tauoti me te hautau māmā, ka whakamārama hoki i te rautaki: rautaki tatau; rautaki whakarōpū; rautaki tohatoha ōrite.

He Arawata He Rārangi Tau

Taumata 1
Te Tau me te Taurangi
Maori Resource
I tēnei kōwae ako ka tūhurangia te rārangi tau haupae me te rārangi tau poutū hei whakatauira i te tatau whakamua me te tatau whakamuri, hei whakaoti hoki i ngā rapanga tāpiri me ngā rapanga tango.

Kia mōhio ngā ākonga ki te:

  • whakatauira tāpiritanga ki te rārangi tau
  • whakamārama i ana whiriwhiringa ki te whakaoti rapanga
  • whakaoti tāpiritanga mā te tatau ake
  • whakaoti tangohanga mā te tatau iho

Ngā Tikanga o Te Tekau

Taumata 1
No strand
Maori Resource
Ka tūhurangia ngā tikanga o te tekau i roto i te tāpiritanga me te tangohanga. Arā, he aha ngā takirua tau ina tāpirihia, ko te 10 te tapeke, ko te hanga hoki i tētahi tekau kia ngāwari ai te whakaoti i te tāpiritanga, te tangohanga rānei.
  • Kia ū marika ngā meka matua mō te tāpiritanga (kaua e nui atu i te 10 te otinga) me ngā tāngohanga e whai pānga ana.  Hei tauira, 3 + 7 = 10, 10 – 7 = 3.  Arā, kia makere noa iho ngā otinga
  • Ki te whakamahi i te rautaki ‘Hangaia he tekau’ hei whakaoti tāpiritanga, tangohanga hoki.

Tāhei Tau Punarua

Taumata 1
Te Tau me te Taurangi
Maori Resource
E hāngai ana tēnei kōwae ako ki te rauemi matihiko nei, te Tāhei Tau Punarua. Ko tā te Tāhei Tau Punarua he āwhina i ngā ākonga ki te tūhura i ngā tauhono punarua o tētahi tau i waenganui i te 10 me te 30. Koia nei ētahi tauira o ngā tauhono punarua o te 17: 2 + 15, 15 + 2, 8 + 9, 9 + 8, 12 + 5, 5 +...
Kia mōhio te ākonga ki te:
  • tautohu i ngā tauhono punarua o ngā tau mai i te 10 ki te 30
  • whakamahi tauhono punarua ki te whakaoti rapanga tāpiri, rapanga tango hoki.

Tatauria

Taumata 1
No strand
Maori Resource
I tēnei kōwae ako ka tūhurangia te pūmautanga o te tau me te tikanga o te tatau pānga tahi, te tatau māwhitiwhiti hoki. I takea mai tēnei kōwae ako i te kōwae ako reo Ingarihi o nzmaths Counting on Counting.

Kia mōhio te ākonga:

  • mā te tatau i ngā huānga e mōhiotia ai te maha kei roto i tētahi huinga;
  • ki te whakaoti rapanga e whai wāhi mai ana te tatau whakamua hei tāpiri i te 1 ki tētahi huinga, me te tatau whakamuri hei tango i te 1 i tētahi huinga.
  • ki te tatau mawhiti-2

Tauhono Takirua

Taumata 1
No strand
Maori Resource
I tēnei kōwae ako ka tūhurangia ngā tauhono takirua o ētahi tau, tae atu ki te 10. Ka whakamahi rauemi hei whakaatu i te horopaki o ngā rapanga, ka tuhi hoki i ngā tauhono takirua hei tāpiritanga.

Kia mōhio te ākonga ki te:

  • wāwāhi i ngā tau i raro iho i te 10 ki ō rātou tauhono takirua
  • whakatauira i te horopaki o tētahi rapanga ki te rauemi
  • tuhi tāpiritanga hei whakaatu i ngā tauhono takirua o tētahi tau

Te Whakaatu Tāpiritanga

Taumata 1
Te Tau me te Taurangi
Maori Resource
I tēnei kōwae ako ka tūhurangia ētahi momo hoahoa hei whakaatu tāpiritanga, me te tuhi tāpiritanga hei whārite. Ko te tino aronga, ko te tatau ake hei rautaki whakaoti tāpiritanga.

Kia mōhio te ākonga ki:

  • te whakaatu tāpiritanga ki ētahi momo hoahoa rerekē, pērā i te rārangi tau, te anga tekau me te hoahoa huinga
  • te tuhi whārite hei whakaatu tāpiritanga
  • te tatau ake hei whakaoti tāpiritanga