Kia mōhio te ākonga ki:
- te maha o ngā tahi, ngā tekau, ngā rau me ngā mano kei roto i tētahi tau, tae noa atu ki te 9,999.
Kaupae 5
Te Tauākī Ako
- E ako ana ahau i te tikanga o ngā mati i roto i ngā tau 0 – 1000.
Ko tā te rauemi matihiko nei, te Pōraka Uara Tū, he āwhina i ngā ākonga ki te tūhura i te uara tū o ngā tau, me te whakaatu i te uara tū ki ngā poraka. Hei tauira, e 2 ngā rau, e 5 ngā tekau, e 8 ngā tahi kei roto i te tau 258. E 25 rānei ngā tekau me ngā tahi e 8.
mati
|
digit
|
pāwhiri
|
click (computer mouse)
|
poroka uara tū
|
place value blocks
|
pūtohu
|
button or icon (on computer screen)
|
rauemi matihiko
|
digital learning object
|
uara tū
|
place value
|
whakaahuahanga
|
representation
|
Ngā Rauemi Matihiko
- e 8 ngā mano = 8000
- e 5 ngā rau = 500
- e 3 ngā tekau = 30
- karekau he kotahi = 0
- 8350 te uara tapeke o te tau katoa, ka whakaaturia ki raro iho (he karaka te tae)
- Mēnā kotahi, nui ake rānei ngā poraka o tētahi wāhi uara tū, ka puta te pere anga whakatematau.
- Pāwhiria tētahi o ngā pere whakatematau, ka mātakitaki ai. Ka wāwāhi tētahi o ngā poraka o taua wāhi uara tū, ā, ka nuku atu ai ki te wāhi uara tū ki te taha matau.
- Hei tauira, ina pāwhiria te pere whakatematau i waenganui i te mano me te rau, ka wāwāhi tētahi poraka mano ki ōna rau, ā, ka nuku ēnei rau ki te wāhi uara tū o ngā rau.
- Āta mātakitaki i te huri o ngā tau tapeke o ia wāhi uara tū.
- Kāore e huri te tapeke o te tau katoa (tae karaka), ka pūmau tonu nā te mea kāore i tāpirihia i tangohia rānei tētahi aha ki te tau tapeke. Ko te whakawhitiwhiti noa iho i waenganui i ngā uara tū.
- Mēnā 10 nui ake rānei ngā poraka o tētahi wāhi uara tū, ka puta te pere anga whakatemauī.
- Ina pāwhiria te pere whakatemauī, tekau ngā poraka o taua wāhi uara tū ka whakaemia mai, ka huri hei poraka kotahi o te uara tū o te taha mauī.
- Kāore tonu te tapeke o te tau katoa e huri (tae karaka), ka pūmau tonu nā te mea kāore i tāpirihia i tangohia rānei tētahi aha ki te tau tapeke. Ko te whakawhitiwhiti noa iho i waenganui i ngā uara tū.
- Ka wāwāhia ia poraka-100, kia tekau ngā poraka-10, ka nuku ai ki te wāhi uara tū o ngā tekau.
- Tukuna te pātai, e hia katoa ngā tekau kei roto i te 467.
- Ka āta kitea atu, tekau ngā poraka-10 ka puta i ia rau, nō reira e 40 ngā tekau kei roto i te 400. Tāpiri atu ki tērā ko ngā tekau e 6 o te 60.
- Hui katoa, e 46 ngā tekau kei roto i te 467.
- E hia katoa ngā tekau kei roto i te 289?
- E hia katoa ngā tekau kei roto i te 503?
- E hia katoa ngā rau kei roto i te 3721?
- E hia katoa ngā rau kei roto i te 7394?
- E hia katoa ngā tekau kei roto i te 2472?
- E hia katoa ngā tekau kei roto i te 5439?
- Whakamahia te rauemi matihiko Poraka Uara Tū, hei whakaatu i ētahi hanganga e rua o tētahi tau. Hei tauira, ko ngā hanganga e rua o te 572:
- e 5 ngā rau, e 7 ngā tekau, e 2 ngā tahi
- e 47 ngā tekau, e 22 ngā tahi
- E hia ngā tekau kei roto i tētahi tau rau (tau mati-3)? Whakamahia te rauemi matihiko, kātahi ka whiriwhiria ā-hinengaro.
- E hia ngā rau kei roto i tētahi tau mano (tau mati-4)? Whakamahia te rauemi matihiko, kātahi ka whiriwhiria ā-hinengaro.
- E hia ngā tekau kei roto i tētahi tau mano (tau mati-4)? Whakamahia te rauemi matihiko, kātahi ka whiriwhiria ā-hinengaro.
- Hāunga te rauemi matihiko nei, arā anō ētahi rauemi uara tū hei tūhura mā te ākonga, pērā i ngā pīni, ngā rākau mati me ngā takatātai.
- Tirohia te kōwae ako o nzmaths ‘Te Uara Tū’ (http://www2.nzmaths.co.nz/frames/KowaeAko/Te%20Uara%20Tu/TeUaraTu.aspx). Kei reira ētahi kēmu hei whakaū i te mātauranga uara tū.