1. Rauemi Reo
  2. Hei Tautoko i te Kaiako
  3. Marautanga Pāngarau
  4. Hei Tautoko i te Marautanga Pāngarau
  5. He Tauira Horopaki Whakaako
  6. Taumata 2

Taumata 2

Thanks for visiting NZMaths.
We are preparing to close this site by the end of August 2024. Maths content is still being migrated onto Tāhūrangi, and we will be progressively making enhancements to Tāhūrangi to improve the findability and presentation of content.
 

For more information visit https://tahurangi.education.govt.nz/updates-to-nzmaths

He Tauira Horopaki Whakaako

He tauira horopaki noa iho ēnei e whai ake nei mō te whakaako i ngā kaupapa pāngarau o roto i tēnei marautanga. Mā te kaiako tonu e tīpako ngā horopaki e hāngai tonu ana ki āna ākonga, hei awhina i a rātou ki te ako i ngā kaupapa o te pāngarau. Hei whakaaro ake:

  • Me tūhono ngā akoranga pāngarau ki ngā momo horopaki o te wāhi e noho nei te kura – pēnā he kura ki tai, ki tuawhenua, ki tāone nui rānei
  • Me tūhono ngā akoranga pāngarau ki ērā atu wāhanga ako o te kura – pēnā ko tētahi kaupapa pūtaiao (pērā i te awa), pēnā ko tētahi kaupapa tikanga ā-iwi (pērā i te whakahaere paremata), pēnā ko tētahi kaupapa hauora (pērā i te kai tika me te whakapakari tinana).
  • Me tūhono ngā akoranga pāngarau ki ngā momo horopaki e taunga ana te ākonga, pērā i te hākinakina, te mahi rorohiko me te mahi toi.
  • Whakaaturia ngā horopaki Māori i roto i ngā akoranga pāngarau pērā i te hanga o te wharenui, te kapa haka, te tito pātere me te manaaki manuhiri.

Taumata 2

Te Tau Me Te Taurangi Te Mahi Tukutuku Tirohia ngā tauira tukutuku me te hononga ki te tatau māwhitiwhiti, te paparau, me te kauwhata.
Hei tauira:
1 2 3
Ko te mahi a ngā ākonga, he:
  • whakamahi porotiti hei hanga haere i te āhua o te tauira tukutuku.
  • āta whakamārama i te āhua o te tipu o ia tauira tukutuku.
  • whakaatu i te maha o ngā tuitui o te tauira tuatahi, tuarua, tuatoru, tuawhā, tuaono, tuaiwa, tekau, rua tekau ...
  • whakamārama i te rautaki i mōhio ai rātou e hia ngā tuitui o ia tauira.
  • whakaatu i te maha o ngā tuitui/porotiti o ia tauira ki te kauwhata.
Tirohia:
Tuitui Tukutuku
Te Ine Me Te Āhuahanga Mōku Anō
  • Āta whakaarohia ngā āhuatanga katoa e pā ana ki tētahi tangata e taea ana te ine, me te waeine e hāngai ana. Hei tauira: te tāroaroa, te taumaha, te roa o ngā makawe, te tere ki te omaoma i te 100 mita ...
  • Inea ētahi āhuatanga e whā, ka tuhi ai ki tētahi tūtohi. Whakatairitea ngā inenga o tēnā o tēnā o ngā ākonga.
  • Whakamahia te aho me te taura ine hei ine i ētahi wāhanga o te tinana, pērā i te tāroaroa, te mārō, te tuke, te matikara, te kawititanga o te ringaringa, te whatīanga raparapa, te tapuwae ...
  • Raupapahia ēnei inenga mai i te poto ki te roa.
  • Āta tirohia mēnā he ōrite te raupapatanga mō ia ākonga, he rerekē rānei, ka wānanga ai.
Tirohia:
Pēhea nei te tāroaroa?
Te Tauanga Hākinakina Tonoa ngā ākonga kia whakarite, kia whakahaere i tētahi tūhuratanga raraunga mō ngā momo hākinakina e tino manakohia ana e te hunga tamatāne me te hunga kōtiro. Ka whakaaturia ngā raraunga ki te tūtohi, ki te kauwhata, ā, ka whakamāramatia ngā hua o te tūhuratanga.

Tirohia:
He Papa Raraunga 1