Ngā rauemi tautoko e hāngai ana ki Ngā Whanaketanga.
Ngā Kowae Ako
Taumata | Kōwae Ako | Whāinga Paetae |
Whakamārama |
1 | Ōku Hū Hīkoi | 1 2 |
Ko te wehewehe me te whakarōpū taonga te kaupapa o tēnei kōwae ako. Ka whai wāhi atu hoki ko te tuhi me te whakamāori kauwhata whakaahua. |
2 | He Papa Raraunga 1 | 1 2 3 |
He tirotiro i tētahi rautaki mō te kohikohi, mō te wehewehe, mō te whakaari raraunga tauanga. E hāngai ana tēnei kōwae ako ki te taumata tuarua o te marautanga pāngarau. Ko te kōwae ako He Papa Raraunga 2 e hāngai ana ki te taumata tuatoru. |
2 | Whētuia Ka Tapahi Ai | 6 10 |
I tēnei kōwae ako ka tūhurangia te hangarite o ētahi āhua ahu-rua. He mahi ā-ringa te nuinga o ngā mahi. He mea pūtake mai tēnei kōwae ako i te kōwae ako reo Ingarihi Fold and Cut. |
3 | He Papa Raraunga 2 | 1 2 3 |
He tirotiro i tētahi rautaki mō te kohikohi, mō te wehewehe, mō te whakaari raraunga tauanga. E hāngai ana tēnei kōwae ako ki te taumata tuatoru o te marautanga pāngarau. Ko te kōwae ako He Papa Raraunga 1 e hāngai ana ki te taumata tuarua. |
3 | Te Kauwhata Pou | 1 2 3 |
Ko te tuhi me te whakamāori kauwhata pou te kaupapa o tēnei kōwae ako. Ka whai wāhi atu ko te kauwhata pou hiato hoki. |
3 | Te Whakaari Raraunga | 1 2 3 |
Ka tirohia te kauwhata rautō me te kauwhata tāhei. Kia rua pea ngā rā mahi ki ia momo kauwhata, ā, kia kotahi te rā hei aromatawai, hei whakakapi i ngā mahi. |
3 | Ripanga Kapa Haka | 1 | I tēnei kōwae ako ka tirohia ngā māka ka riro i ngā kapa haka i tētahi whakataetae. Ka whakamahia tētahi hōtaka ripanga rorohiko pērā i te Excel hei pupuri i ngā māka o ngā kaiwhakawā, hei tātai i ngā tauanga pērā i te toharite, hei whakaputa kauwhata anō hoki. |
4 | Wā Toharite | 1 | Ka āta tirohia te tika o ētahi kīanga kōrero e pā ana ki te wā ka pau i te tangata ki te mahi i tētahi mahi i te roanga atu o ngā tau e ora ana ia. Ka whakahaere tūhuratanga tauanga, ka tātai hoki i tēnei mea te toharite. |
4 | Ripanga | 1 | He tirotiro i te whakamahinga o te Excel, te pūmanawa rorohiko matua mō tēnei mea te ripanga. |