The Ministry is migrating nzmaths content to Tāhurangi.           
Relevant and up-to-date teaching resources are being moved to Tāhūrangi (tahurangi.education.govt.nz). 
When all identified resources have been successfully moved, this website will close. We expect this to be in June 2024. 
e-ako maths, e-ako Pāngarau, and e-ako PLD 360 will continue to be available. 

For more information visit https://tahurangi.education.govt.nz/updates-to-nzmaths

He Tauira Horopaki Whakaako

He tauira horopaki noa iho ēnei e whai ake nei mō te whakaako i ngā kaupapa pāngarau o roto i te marautanga. Mā te kaiako tonu e tīpako ngā horopaki e hāngai ana ki āna ākonga, hei āwhina i a rātou ki te ako i ngā kaupapa pāngarau. Hei whakaaro ake:

  • Me tūhono ngā akoranga pāngarau ki ngā momo horopaki o te wāhi e noho nei te kura – pēnā he kura ki tai, ki tuawhenua, ki tāone nui rānei
  • Me tūhono ngā akoranga pāngarau ki ērā atu wāhanga ako o te kura – pēnā ko tētahi kaupapa pūtaiao (pērā i te awa), pēnā ko tētahi kaupapa tikanga ā-iwi (pērā i te pōti kāwanatanga), pēnā ko tētahi kaupapa hauora (pērā i te kai tika me te whakapakari tinana).
  • Me tūhono ngā akoranga pāngarau ki ngā momo horopaki e taunga ana te ākonga, pērā i te hākinakina, te mahi rorohiko me te mahi toi.
  • Me kuhu atu ngā horopaki Māori i roto i ngā akoranga pāngarau pērā i te hanga o te wharenui, te kapa haka, te tito pātere me te manaaki manuhiri.

Te Tauanga

Taumata 1 Tangaroa Kohikohia he anga, ka whakarōpū ai i runga anō i ngā āhuatanga pērā i te āhua, te nui, te tae, me te wāhi i kitea ai. Whakaaturia ngā rōpū me te maha o ngā anga o ia rōpū ki tētahi kauwhata whakaahua.
Tūhuratia tētahi pātai pēnei i tēnei: He aha te kaimoana e tino pārekareka ana ki te hunga tamariki me te hunga pakeke?
Taumata 2 Hākinakina Tonoa ngā ākonga kia whakarite, kia whakahaere i tētahi tūhuratanga raraunga mō ngā momo hākinakina e tino manakohia ana e te hunga tamatāne me te hunga kōtiro. Ka whakaaturia ngā raraunga ki te tūtohi, ki te kauwhata, ā, ka whakamāramatia ngā hua o te tūhuratanga.

Tirohia:
He Papa Raraunga 1
Taumata 3 Te Haere ki te Kura Kohikohia he raraunga e pā ana ki ngā pātai nei:
  • Mā hea koe haere ai ki te kura?
  • Pēhea nei te roa o tō haere ki te kura?
  • Nō hea te kai i kainga e koe i te poupoutanga o te rā i te kura inanahi?
Utaina atu ngā raraunga ki te hōtaka rorohiko ‘Excel’, ka tūhura ai i te whakamahinga o te hōtaka me ngā momo whakaari raraunga ka taea te whakaputa.
Tīkina atu he raraunga e pā ana ki ēnei pātai mai i te pae tukutuku o Tatauranga ki te Kura. Whakatairitea ērā o ngā raraunga me ngā raraunga o te akomanga.
Wānangahia te pānga o te rahi o te tīpako me ngā raraunga ka puta.

Koinei te pae tukutuku e tīkina atu ai ngā raraunga o Tatauranga ki te Kura. Sampler
Taumata 4 Kapahaka Tirohia ngā māka ka tukuna e ngā kaiwhakawā ki ngā rōpū o tētahi whakataetae kapahaka.
  • Whakaaturia ngā māka ki ngā momo whakaari raraunga e hāngai ana.
  • Tūhuratia te tātairanga me te whakamahinga o ngā inenga tauanga pērā i te toharite, te tau waenga, te tau tānui, te inenga whānui.
  • Whakatairitea ngā māka o tēnā kaiwhakawā, o tēnā.
Taumata 5 Te Waihanga Kēmu Tūponotanga Tūhuratia ētahi kēmu tūponotanga, ka tātai ai, ka whakamātau ai i te tōkeke o aua kēmu. Tonoa ngā ākonga kia waihanga i ā rātou ake kēmu.

Tirohia:
He Kēmu Tūponotanga
Pēhea nei te Tōkeke