He Tūhuratanga Tauira Tau

The Ministry is migrating nzmaths content to Tāhurangi.           
Relevant and up-to-date teaching resources are being moved to Tāhūrangi (tahurangi.education.govt.nz). 
When all identified resources have been successfully moved, this website will close. We expect this to be in June 2024. 
e-ako maths, e-ako Pāngarau, and e-ako PLD 360 will continue to be available. 

For more information visit https://tahurangi.education.govt.nz/updates-to-nzmaths

Hei Whakarāpopoto

Ko tā te kōwae ako nei, he tirotiro i ētahi tauira tau ka puta ake i ngā tauira tāruarua.

Achievement Objectives
6. Ka whakamahi rautaki tāpiripiri ki te whiriwhiri i tētahi tau o roto i tētahi tauira tau.
7. Ka whakamahi rautaki āhuahanga ki te whiriwhiri i tētahi āhua o roto i tētahi tauira āhua.
Te Hononga ki te Marautanga
Taumata 3
Te Tau me te Taurangi (Te Tauira me te Pānga)
Whāinga Paetae 6:
Ka whakamahi rautaki tāpiripiri ki te whiriwhiri i tētahi tau o roto i tētahi tauira tau.
 
Whāinga Paetae 7:
Ka whakamahi rautaki āhuahanga ki te whiriwhiri i tētahi āhua o roto i tētahi tauira āhua.
Ngā Whāinga Ako

Kia mōhio te ākonga ki te:

  • kimi tauira tau
  • whakamārama tauira tau
Ngā Rauemi

He Tūhuratanga Tauira Tau WT1

He Rārangi Kupu

 

tauira tau
number pattern
raupapatanga tau
number sequence
hauroki
diagonal
tauira tāruarua
repeating pattern
hohoko
alternating
pou
column
kapa
row
tīpako
select
tapeke
total
Hei Raupapa I Ngā Mahi Ako

Tūhuratanga 1

Ngā tohutohu

Ko tāu mahi, he tuhi raupapatanga tau.

Whakaarohia tētahi ‘tau tīmatatanga’ me tētahi ‘tau peke’, hei whakaputa i tō raupapatanga tau. Hei tauira:
Mēnā ko te 3 hei tau tīmatanga, ko te 5 hei tau peke, koia nei te raupapatanga tau:
3, 8, 13, 18, 23, 28, 33, 38, 43, 48 ...

Me āta kimi ngā tauira huhua kei roto i tēnei raupapatanga tau. Me tuhi ia tauira, ka whakamārama ai.

Hei āwhina:

Anei ētahi o ngā tauira e kitea ana i te tauira tau i runga ake nei:

 

3 8 13 18 23 28 33 38 43
taukehe taurua taukehe taurua taukehe taurua taukehe taurua taukehe
  • Ka hohoko haere te 3 me te 8 hei mati-tahi
  • E rua ngā tau kei ia ngahuru tau. Arā, e rua ngā tau kei raro i te 10, e rua ngā tau ngahuru-tahi (13, 18), e rua ngā tau ngahuru-rua (23, 28), e rua ngā tau ngahuru-toru ... :

 

3 8 13 18 23 28 33 38 43
ngahuru-kore ngahuru-tahi ngahuru-rua ngahuru-toru ngahuru-whā
  • Mēnā ka tuhia ngā tau ki ētahi pou e rua, ko te 3 te mati-tahi o ngā tau katoa kei te pou tuatahi, ko te 8 te mati-tahi o ngā tau katoa kei te pou tuarua:

 

3 8
13 18
23 28
33 38
  • Mēnā ka tuhia ngā tau ki ētahi pou e rua, ā, ka tāpirihia ia kapa, ko te 1 te mati-tahi o ia tapeke. E 20 te rahinga ake o ia tapeke i te tapeke o mua:

 

  • Mēnā ka tuhia ngā tau ki ētahi pou e toru, e pēnei ana ētahi o ngā tauira:

Hei whakaaroaro:

  • Tirohia ngā mati kei te wāhi o ngā tahi, kei te wāhi o ngā tekau, kei te wāhi o ngā rau ...
  • He aha ngā tauira o roto i te raupapatanga tau mēnā ka eke ki tua atu i te 100? Ki tua atu i te 1000?
  • Pēhea nei te āhua o ngā tauira o roto i te raupapatanga tau mēnā ka whakarerekēngia te tau tīmatanga, engari ka pūmau tonu te tau peke?
  • Pēhea nei te āhua o ngā tauira o roto i te raupapatanga tau mēnā ka whakarerekēngia te tau peke, engari ka pūmau tonu te tau tīmatanga?

Tūhuratanga 2

Ngā tohutohu

Tīpakona tētahi tapawhā rite (2 x 2) i te papa whakarea (He Tūhuratanga Tauira Tau WT1 PDF, 73KB).

Tāpirihia ngā tau e noho hauroki ana.

Whiriwhiria te rahinga ake o tētahi o ngā tapeke i tētahi.

Kia pērā anō te whakamātau i ētahi atu tapawhā rite (2 x 2).

He aha te tauira e puta ake ana? He aha ki tōu whakaaro i pērā ai?

Whakamātauria ētahi tapawhā rite nui ake (pērā i te 3 x 3, te 4 x 4 rānei).

Hei āwhina:

Koia nei tētahi tapawhā rite (2 x 2) kua tīpakona i te papa whakarea.

 

15 18
20 24

Koia nei te tāpiritanga o ngā tau e noho hauroki ana:

Tūhuratanga 3

Ngā tohutohu

Tīpakona tētahi tapawhā rite (4 x 4) i te papa whakarea (He Tūhuratanga Tauira Tau WT1, PDF 73KB).

Tāpirihia ngā tau e noho ana ki ngā kokonga.

Tāpirihia ngā tau e whā e noho ana ki waenganui o te tapawhā rite.

Kia pērā anō te whakamātau i ētahi atu tapawhā rite (4 x 4).

He aha te tauira e puta ake ana? He aha ki tōu whakaaro i pērā ai?

Hei āwhina:

Koia nei tētahi tapawhā rite (4 x 4) kua tīpakona i te papa whakarea.

 

49 56 63 70
56 64 72 80
63 72 81 90
70 80 90 100

Te tāpiritanga o ngā tau e noho ana ki ngā kokonga:
49 + 70 + 70 + 100 = 289

Te Tāpiritanga o ngā tau e noho ana ki waenganui:
64 + 72 + 72 + 81 = 289

Tūhuratanga 4

Ngā tohutohu

Tāpirihia ngā tau e whā e noho ana ki ngā kokonga o te papa whakarea (He Tūhuratanga Tauira Tau WT1, PDF 73KB).

Tāpirihia ngā tau e whā e noho ana ki te taha whakaroto o aua tau e whā.

Tāpirihia ngā tau e whā e noho ana ki te taha whakaroto o aua tau e whā.

Kia pērā tonu te tāpiripiri haere i ngā tau.

He aha te tauira e puta ake ana? He aha ki tōu whakaaro i pērā ai?

Hei āwhina:

Koia nei ngā tau e whā e noho ana ki ngā kokonga:

Koia nei ngā tau e noho whakaroto ana i aua tau e whā.

Tūhuratanga 5

Ngā tohutohu

Tīpakona tētahi tau.

Tāpirihia taua tau ki a ia anō.

Whakapikia te tau mā te kotahi, whakahekea te tau mā te kotahi, ka tāpiri ai.

Kia pērā anō mō ētahi atu tau.

He aha te tauira e puta ake ana? He aha ki tōu whakaaro i pērā ai?

He aha te tauira ka puta ake mēnā ka whakareatia ngā tau?

Hei āwhina:

Ka tīpakona te 15:

Tāpiritanga:

15 + 15 = 30

16 + 14 = 30

Whakareatanga:

15 x 15 = 225

16 x 14 = 224

Attachments
Add to plan

Log in or register to create plans from your planning space that include this resource.


Taumata 3