Ngā Akoranga Matihiko |
Tau |
Te papa whakarea: hangaia āu ake whakareatanga | 3-6 |
Te papa whakarea: hangaia āu ake whakareatanga uaua | 3-6 |
Te papa whakarea: ngā whakareatanga kua hangaia kē | 3-6 |
Te papa whakarea: he whakareatanga uaua | 3-6 |
E aro ana tēnei huinga akoranga matihiko ki ngā rautaki ā-hinengaro a te ākonga, e whiriwhiria ai te otinga o tētahi whakareatanga. Mā te wāwāhi i ngā tau o tētahi whakareatanga, e māmā ai te whakaoti. Ko te ‘whakaawhiwhi ki te 10 tata’, me te ‘whakarearua’ ētahi o ngā rautaki matua o tēnei akoranga matihiko. Ko te whakarea i te tau mati-rua ki te tau mati-tahi te taumata māmā, ā, ka piki ake ki ngā whakareatanga tau mati-rua ki te tau mati-rua, he uaua tonu. Mā te rorohiko e whakaputa ngā whakareatanga hei whiriwhiri mā te ākonga i te Papa Whakarea, mā te ākonga rānei e hanga āna ake. He nui ngā kōrero whakatenatena me ngā whakaaro hei āwhina haere i te ākonga i te roanga atu o tana mahi i tēnei akoranga matihiko.
Ko tā te akoranga matihiko ‘Te papa whakarea: ngā rautaki’ he whakaako i ngā rautaki e hāngai ana ki te Papa Whakarea. E pai ana hei whakaako i te rōpū iti, i te akomanga katoa rānei. Mā te pāwhiri i tētahi pūtohu e rangona ai ngā whakamārama ka haere tahi me te whakaari o te Papa Whakarea.