1. Rauemi Reo
  2. Hei Tautoko i te Kaiako
  3. Marautanga Pāngarau
  4. Hei Tautoko i te Marautanga Pāngarau
  5. He Tauira Horopaki Whakaako
  6. Taumata 3

Taumata 3

Thanks for visiting NZMaths.
We are preparing to close this site by the end of August 2024. Maths content is still being migrated onto Tāhūrangi, and we will be progressively making enhancements to Tāhūrangi to improve the findability and presentation of content.
 

For more information visit https://tahurangi.education.govt.nz/updates-to-nzmaths

He Tauira Horopaki Whakaako

He tauira horopaki noa iho ēnei e whai ake nei mō te whakaako i ngā kaupapa pāngarau o roto i tēnei marautanga. Mā te kaiako tonu e tīpako ngā horopaki e hāngai tonu ana ki āna ākonga, hei awhina i a rātou ki te ako i ngā kaupapa o te pāngarau. Hei whakaaro ake:

  • Me tūhono ngā akoranga pāngarau ki ngā momo horopaki o te wāhi e noho nei te kura – pēnā he kura ki tai, ki tuawhenua, ki tāone nui rānei
  • Me tūhono ngā akoranga pāngarau ki ērā atu wāhanga ako o te kura – pēnā ko tētahi kaupapa pūtaiao (pērā i te awa), pēnā ko tētahi kaupapa tikanga ā-iwi (pērā i te whakahaere paremata), pēnā ko tētahi kaupapa hauora (pērā i te kai tika me te whakapakari tinana).
  • Me tūhono ngā akoranga pāngarau ki ngā momo horopaki e taunga ana te ākonga, pērā i te hākinakina, te mahi rorohiko me te mahi toi.
  • Whakaaturia ngā horopaki Māori i roto i ngā akoranga pāngarau pērā i te hanga o te wharenui, te kapa haka, te tito pātere me te manaaki manuhiri.

Taumata 3

Te Tau Me Te Taurangi Te Hokohoko Tirohia ngā utu o ētahi kai i roto i te hokomaha. Āta whakaarohia te whakapaunga moni e tino whaihua ana ki te pūkoro. Hei tauira:
  • E $2.00 te utu mō te ipu miere e 200 karamu te rahi. E $2.50 te utu mō te ipu e 300 karamu te rahi. Ko tēhea te utu e tino whaihua ana ki te pūkoro? He aha ētahi rautaki hei tātai i tēnei rapanga? He aha ngā take katoa e whakatau ai te tangata ko tēhea hei hoko māna?
  • E $3.80 te utu mō te 3 rita wai ārani. E $2.00 te utu mō te 1.5 rita. Ko tēhea te utu e tino whaihua ana ki te pūkoro? He aha ētahi rautaki hei tātai i tēnei rapanga? He aha ngā take katoa e whakatau ai te tangata ko tēhea hei hoko māna?
Te Ine Me Te Āhuahanga Te Hanga o te Wharenui
  • Tautohua ngā āhua e kitea mai ana i te hanga o tētahi wharenui me ngā mahi toi o roto.
  • Āta wānangahia te takenga mai o ngā ingoa mō ēnei āhua: tapawhā hāngai, tapawhā rite, tapatoru waerite, tapatoru rite, tapatoru hāngai, tapawhā whakarara, tapawhā whakarara rite, rīpeka ...
  • Tirohia te hangarite o ngā āhua.
  • Tirohia te whakamahinga o ngā āhua hei hanga rōpinepine.
Tirohia:
He Āhua Ahu-2. Nā Te Pou Taki Kōrero i whakaputa i te tau 2005.
Te Tauanga Te Haere ki te Kura Kohikohia he raraunga e pā ana ki ngā pātai nei:
  • Mā hea koe haere ai ki te kura?
  • Pēhea nei te roa o tō haere ki te kura?
  • Nō hea te kai i kainga e koe i te poupoutanga o te rā i te kura inanahi?
Utaina atu ngā raraunga ki te hōtaka rorohiko ‘Excel’, ka tūhura ai i te whakamahinga o te hōtaka me ngā momo whakaari raraunga ka taea te whakaputa.
Tīkina atu he raraunga e pā ana ki ēnei pātai mai i te pae tukutuku o Tatauranga ki te Kura. Whakatairitea ērā o ngā raraunga me ngā raraunga o te akomanga.
Wānangahia te pānga o te rahi o te tīpako me ngā raraunga ka puta.

Koinei te pae tukutuku e tīkina atu ai ngā raraunga o Tatauranga ki te Kura. Sampler