Tekau Ngā Poraka

Hei Whakarāpopoto

E  takea mai ana tēnei kōwae ako i te rotarota, ‘Tekau ngā poraka i runga i te toka’. Ko te tatau māwhitiwhiti te aronga matua.

Achievement Objectives
4. Ka hanga, ka whakaroa tauira tāruarua, tauira raupapa hoki.
Te Hononga ki te Marautanga
Taumata 1
Te Tau me te Taurangi (Te Tauira me te Pānga)
Whāinga Paetae 4
Ka hanga, ka whakaroa tauira tāruarua, tauira raupapa hoki.
Ngā Whāinga Ako
Kia mōhio te ākonga ki te:
  • kimi tauira tau
  • matapae i ngā tau e whai ake ana i tētahi tauira tau
  • tatau mawhiti-2, mawhiti-5, mawhiti-10
Ngā Rauemi

He pikitia poraka hei whakapiri atu ki te papatuhituhi (Whārangi Tārua)

Pepa, penerākau

Pātene, Paraka, Pīni (hei kaute)

Te Rotarota

Tukutuku Tau

He Rārangi Kupu
matapae predict
tatau mawhiti-2 skip-counting in twos
tatau māwhitiwhiti skip counting
tauira raupapa sequential pattern
tauira tāruarua repeating pattern
tukutuku tau number grid
Hei Raupapa I Ngā Mahi Ako

Te Akoranga Tuatahi:

Ko te mahi tuatahi, he ako i te rotarota, me te hanga i tētehi tauira mā te rotarota.

  1. Pānuihia te rotarota ki ngā tamariki i a koe e whakaatu ana i ngā mahi ā ringa.
  2. Tonoa ngā tamariki ki te āwhina i a koe ki te pānui i te rotarota i te wā tuarua. Āta pānuihia i te wā tuarua, engari, me whakamahi ngā poraka kua tapahia i te kāri hei whakaatu i ngā nekeneke. Mā tēnei, ka hangaia tētehi kauwhata pikitia, ka tuhia hoki te maha o ngā poraka ki runga tukutuku tau. Hei tauira:
     
10
9
8
7
6
5
4
3
2
1
  1. I a koe e mahi ana, whakatenatena i ngā tamariki ki te matapae i te tau kei te whai ake. Hei tauira pātai:
    • He aha te mahi a tēnei kauwhata?
    • Ka kite koe i tētehi tauira?
    • He aha te tauira?
    • E whia ngā poraka ināianei?
  2. Whakaotia te kauwhata, kia 1 te poraka i te mutunga.
  3. Me whakaatu ngā tamariki i a rātou huarahi matapae i te tau kei te whai ake. Tuhia a rātou rautaki ki te papatuhituhi. Hei tauira:
    • 10 – 1 = 9 Tangohia te kōtahi i te 10 ka puta ko te 9.
  4. Tuhia he tūtohi atu anō hei whakaatu i te maha o ngā poraka kua taka atu i te toka. Whakawhitiwhiti kōrero mō te tauira tau e kitea mai ana.

 

Te maha o ngā poraka kei runga toka Te maha o ngā poraka kua taka atu
10 0
9 1
8 2
7 3
   

Te Akoranga Tuarua

Ko te tatau mawhiti-2 te kaupapa i konei.

  1. Tirohia, pānuihia anō te rotarota me te mahi hoki i ngā mahi ā-ringa.
  2. Pātai atu ki ngā tamariki:
    • Mēnā tekau ngā poraka i runga i te toka, e whia katoa ngā karu? Whakaaturia ngā karu ki te tukutuku.
    10 headheadheadheadheadheadheadheadheadhead
    9 headheadheadheadheadheadheadheadhead
    8 headheadheadheadheadheadheadhead
    7 headheadheadheadheadheadhead
    6 headheadheadheadheadhead
    5 headheadheadheadhead
    4 headheadheadhead
    3 headheadhead
    2 headhead
    1 head
  3. Whoatu ngētehi pātene ki ngā tamariki hei whakaatu mā rātou i ngā karu o ngā poraka.
    • Whiriwhirihia ngētehi tamariki ki te whakaatu i ō rātou rautaki hei tātai i te maha o ngā karu.
  4. Pātai atu anō ki ngā tamariki:
    • Mēnā e iwa ngā poraka i runga i te toka, e whia katoa ngā karu?
    • Pēwhea koe i mōhio ai?
    • Ka taea e koe tō rautaki te whakamārama mai?

      Tuhia ngā rautaki katoa ki te kāri, me whakairi ki te taha o te tukutuku poraka.

  5. Mēnā e tika ana te whakautu a te tamaiti, tuhia te maha o ngā karu ki runga i te tukutuku tau.
  6. Haere tonu kia mutu te whakakī i te tukutuku tau.
  7. Kia mutu tērā, pātai atu ki ngā tamariki:
    • Titiro ki te tukutuku tau. Tatauria te maha o ngā karu. (20, 18, 16 …)
    • He aha te tauira tau o te maha o ngā karu?
    • Pēwhea koe i mōhio ai?
  8. Whoatu te pepa tukutuku tau hei whakakī mā ia tamaiti.

 

Te maha o ngā poraka Te maha o ngā karu
10 20
9 18
8 16
7

Te Akoranga Tuatoru:

I tēnei rā, ko te tatau mawhiti-5 te kaupapa.

  1. Tirohia, pānuihia anō te rotarota me te mahi hoki i ngā mahi ā-ringa.
  2. Tohu atu ki ngā matimati waewae o tētehi poraka. Pātai atu:
    • E whia ngā matimati waewae o tēnei waewae o te poraka?
  3. Whakaaturia te tukutuku matimati poraka. Me tatau mawhiti-5 ngā tamariki i ngā matimati waewae.
    10
    9
    8
    7
    6
    5
    4
    3
    2
    1
  4. Whoatu ngētehi pātene hei whakamahi mā ngā tamariki. Mea atu ki ngā tamariki,
    • Tekau ngā poraka i runga i te toka. E whia katoa ngā matimati waewae? Kia kōtahi te pātene mō ia matimati waewae.
  5. Whiriwhirihia ngētehi tamariki ki te whakaatu i ō rātou rautaki. Pātai atu ki ngā tamariki
    • He aha te whakautu?
    • Pēwhea koe i mōhio ai?
    • Ka taea e koe te whakaatu mai i tō rautaki?
    • Tuhia ngā rautaki ki te papatuhituhi.
  6. Pātai atu:
    • Mēnā e iwa ngā poraka i runga i te toka, e whia katoa ngā matimati waewae?

      Me āta whakaaro ngā tamariki he aha te rautaki māmā hei whiriwhiri i tēnei pātai. Tuhia te whakautu ki te tukutuku tau.

      • Tirohia ngā tau o te tukutuku tau. Pātai atu:
        • He aha pea te tau e whai ake ana (Arā, e waru ngā waewae poraka, e whia ngā matimati)?
        • He tauira tau e puta mai ana? Whakamāramatia mai.
        • Whoatu te pepa tukutuku tau mā ia tamaiti e whakakī.

 

Ngā waewae poraka E whia ngā matimati waewae
5 25
4 20
3 15
2 10

Te Akoranga Tuawhā:

Ko te tatau mawhiti-10 te kaupapa i tēnei rā.

He rite tonu te whakahaere o te akoranga tuawhā ki te akoranga tuatoru. Engari, ko te tirotiro i te maha o ngā matimati o ia poraka (arā, ki ngā waewae e rua o ia poraka).

 

10 feet. feet. feet. feet. feet. feet. feet. feet. feet. feet.
9 feet. feet. feet. feet. feet. feet. feet. feet. feet.
8 feet. feet. feet. feet. feet. feet. feet. feet.
7 feet. feet. feet. feet. feet. feet. feet.
6 feet. feet. feet. feet. feet. feet.
5 feet. feet. feet. feet. feet.
4 feet. feet. feet. feet.
3 feet. feet. feet.
2 feet. feet.
1 feet.

Te Akoranga Whakamutunga:

Kua oti i ngā tamariki te tatau māwhitiwhiti. I tēnei rā, ka tuhi rātou i ngētehi rerenga tau e pā ana ki te rotarota hei mahinga mā tētehi atu. (Me āta whakamārama i te tuatahi.) I te mutunga, ka taea e rātou te tuhi rerenga tau hei whakautu ma tētahi hoa, ka whakaatu hoki ki te akomanga.

Kia whēnei te āhua o ngā rerenga tau.

E toru ngā poraka i runga i te toka. E whia katoa ngā matimati waewae?
He rerenga tau e whakamahi ana i te whakarea: 5 x 3 = 15
He rerenga tau e whakamahi ana i te tāpiri: 5+5+5=15
Tatau mawhiti-5: 5, 10, 15

E waru ngā poraka kei runga i te toka. E whia katoa ngā karu?
He rerenga tau e whakamahi ana i te whakarea: 2 x 8 = 16
He rerenga tau e whakamahi ana i te tāpiri: 2+2+2+2+2+2+2+2=16
Tatau mawhiti-2: 2, 4, 6, 8, 10, 12, 14, 16

Attachments

Log in or register to create plans from your planning space that include this resource.