Tatau Māwhitiwhiti

Hei Whakarāpopoto

I tēnei kōwae ako ka tūhurangia ngā tauira o roto i te tatau māwhitiwhiti. Ka tirohia ngā tauira ina whakaaturia te tatau māwhitiwhiti ki te rārangi tau, ki te kauwhata, ki te tukutuku tau anō hoki. I takea mai tēnei kōwae ako i te kōwae ako reo Ingarihi nei, te Beetle Wheels.

Achievement Objectives
1. Ka mōhio ki ngā tauoti 0–100: te whakaingoa i ngā tohutau; ngā raupapa tatauranga whakamua, whakamuri hoki; ngā tikanga uara tū: te rima me ngā tauhono; ngā tauhono o te tekau; te tekau me ngā tauhono; ngā tau ngahuru; te maha o ngā tekau me ngā tahi k
4. Ka hanga, ka whakaroa tauira tāruarua, tauira raupapa hoki.
Te Hononga ki te Marautanga

Taumata 1
Te Tau me te Taurangi
Whāinga Paetae 1 (Te Mātauranga Tau):
Ka mōhio ki ngā tauoti 1–100.

Whāinga Paetae 4 (Te Tauira me te Pānga):
Ka hanga, ka whakaroa tauira tāruarua, tauira raupapa hoki.

Ngā Whāinga Ako

Kia mōhio te ākonga ki:

  • te whakaroa i tētahi tauira tatau māwhitiwhiti
  • te whakaatu me te whakamārama tauira tatau māwhitiwhiti ki te rārangi tau, ki te kauwhata, me te tukutuku tau.
Ngā Tikanga Pāngarau

He momo tauira raupapa te tatau māwhitiwhiti. Arā, he tīmatanga tō te tauira, ā, he pūmau te tipu haere o te tauira mai i tētahi tau ki te tau e whai mai ana:

He maha ngā momo whakaaturanga o te tatau māwhitiwhiti, pērā i te rārangi tau, te kauwhata, me te paparau:

 

Ngā Rauemi
Whārangi Tārua 1

he paparau

Whārangi Tārua 2

he poraka honohono

he porotiti

He Rārangi Kupu
tatau māwhitiwhiti skip counting
porotiti counter
tatau mawhiti-4 skip counting in fours
poraka honohono multilink cubes
ngaku tau number strip
tātaitai calculator
pūmau consistent
tauira raupapa sequential pattern
tukutuku tau number grid
paparau hundreds board
Hei Raupapa I Ngā Mahi Ako
  1. Ko te mahi tuatahi, he tūhura i te tatau mawhiti-4.

    Ngā tohutohu He tauira whakawhitinga kōrero
    Aratakina ngā ākonga kia hanga tauira hei whakaatu i te maha o ngā wīra o ētahi motukā. E hia ngā wīra o tētahi motukā, (hei aha noa te wīra whakahaere me te wīra whakakapi)? E whā.

    Me pēhea te whakaatu i te maha o ngā wīra o te motukā kotahi? Mā te whakamahi porotiti, poraka honohono rānei:


    Whakawhitiwhiti kōrero mō te maha o ngā wīra o ngā motukā, me ngā rautaki e tatauria ai ngā wīra. Mēnā e rua ngā motukā, e hia katoa ngā wīrā? E waru.

    He aha koe i mōhio ai?
    He tauira whakamārama rautaki:

    1. I tatauria ngā porotiti e hāngai ana ki ngā motukā e rua, tahi ki te waru.
    2. I mōhio au e whā ngā wīra o te motukā kotahi, nō reira, ka timāta taku tatau i ngā wīra o te motukā tuarua i te rima, a, ka tae ake ki te waru.
    3. I tatauria ngā rōpū o te whā nā te mea e whā ngā wīra mō ia motukā.
    4. E mōhio ana ahau ko te whā tāpiria te whā, ka waru.

    Tuhia te 8 ki te rōpū o ngā porotiti e hāngai ana ki ngā motukā e rua.

    He aha te rautaki e tino whaihua ana hei whiriwhiri i te maha o ngā wīra o ngā motukā e toru? He nui rawa ngā porotiti hei tatau anō mai i te tahi. E mōhiotia ana e waru ngā wīra o ngā motukā e rua, nō reira me tīmata te tatau i ngā wīra o te motukā tuatoru mai i te 9. Arā, 9, 10, 11, 12.

    He māmā hoki mēnā e mōhio ana tātou ki te tatau mawhiti-4. Arā, 4, 8, 12.

    Tonoa ngā ākonga kia whakaatu i te tatauranga mawhiti-4 ki tētahi ngaku tau. (Whārangi Tārua 1). He ngaku tau tēnei e whakaatu ana i ngā tau mai i te 0 ki te 20. Ko tāu mahi he karakara i ngā tau o roto i te tatau mawhiti-4.

    Ko te 4, te 8 me te 12 te tīmatanga. He aha ngā tau ka whai muri atu?

    Titiro ki te ngaku tau kua karakarangia e koe. He aha te tau e hāngai ana ki te maha o ngā wīra katoa o ngā motukā e whā? Ko te 16. Koirā te tau tuawhā kua karakarangia.

    Tonoa ngā ākonga kia whakaatu i te tatauranga māwhiti-4 ki t/ētahi tukutuku tau, pērā i te paparau. Kei te Whārangi Tārua 2 ētahi tukutuku tau hei tauira. He paparau tēnei, e whakaatu ana i ngā tau mai i te 1 ki te 100. Karakarangia ngā tau o te tatauranga mawhiti-4.

    He aha ngā tauira e kitea ana?

    Kia kaha tonu ki te whakahua, ki te waiata, ki te pātere i te tatauranga mawhiti-4, ko te whāinga kia mau ki roto i te pūmahara o te ākonga. Patoa te + 4 ki te tātaitai. Mēnā ka tāruaruatia te pato i te tohu ōrite (=), ka puta ngā tau o te tatauranga mawhiti-4. Whakahuatia ngā tau i a koe e patopato haere ana i te tohu ōrite.

    Ka taea e koe te whakahua i te tau i mua i tō pato i te tohu ōrite?

     

  2. Kia pērā anō te mahi i te roanga atu o te wiki, engari kia aro ki te tatau mawhiti-3, mawhiti-2, mawhiti-5 hoki. Tukuna ngā ākonga kia tūhura i ngā tatauranga māwhitiwhiti, te tuhi pikitia me te hanga tauira. Koia nei ētahi horopaki:

    tatau mawhiti-2 ngā wīra paihikara
    ngā ringaringa tangata
    ngā waewae manu
    tatau mawhiti-3 ngā wīra taraikihana
    ngā waewae tūru
    ngā tapa o te tapatoru
    tatau mawhiti-4 ngā wīra motukā
    ngā waewae kurī
    ngā tapa o te tapawhā rite
    tatau mawhiti-5 ngā matimati o te ringa kotahi
    ngā mati o te waewae kotahi
    ngā rau i te peka kotahi o tētahi rākau

 


Log in or register to create plans from your planning space that include this resource.