Kaupae 7: Wāwāhi Tau Whakarea

Pouako: 15 ngā rare rōpere, 18 ngā rare panana, 21 ngā rare ārani kei tētahi pēke rare nui. He pērā anō te āhua o te ranunga rare kei tētahi pēke iti. 10 ngā rare rōpere kei te pēke iti. E hia ngā rare panana? E hia ngā rare ārani?
Ākonga: Ina rearuatia tētahi pēke nui, ka 30 ngā rare rōpere, ka 36 ngā rare panana, ka 42 ngā rare ārani.
10 noa iho ngā rare rōpere kei te pēke iti, nō reira me wehe ki te 3.
Wehea te 36 ki te 3, ka 12 ngā rare panana. Wehea te 42 ki te 3, ka 14 ngā rare ārani.

I te Kaupae 7, kua mau i te ākonga te maha o ngā rautaki wāwāhi tau, ā, ko tāna he kōwhiri i te rautaki e hāngai ana hei whakaoti, hei whakatau tata rānei i te otinga o ngā rapanga ka whai wāhi mai te whakarea me te wehe.
I ēnei rautaki, ka wāwāhi te ākonga i t/ētahi o ngā tau, ka raweketia, ka whakahuihui anō i ngā wāhanga kia māmā ai te whakaoti.