1. Rauemi Reo
  2. Hei Tautoko i te Kaiako
  3. Marautanga Pāngarau
  4. Hei Tautoko i te Marautanga Pāngarau
  5. He Tauira Horopaki Whakaako
  6. Taumata 5

Taumata 5

Thanks for visiting NZMaths.
We are preparing to close this site by the end of August 2024. Maths content is still being migrated onto Tāhūrangi, and we will be progressively making enhancements to Tāhūrangi to improve the findability and presentation of content.
 

For more information visit https://tahurangi.education.govt.nz/updates-to-nzmaths

He Tauira Horopaki Whakaako

He tauira horopaki noa iho ēnei e whai ake nei mō te whakaako i ngā kaupapa pāngarau o roto i tēnei marautanga. Mā te kaiako tonu e tīpako ngā horopaki e hāngai tonu ana ki āna ākonga, hei awhina i a rātou ki te ako i ngā kaupapa o te pāngarau. Hei whakaaro ake:

  • Me tūhono ngā akoranga pāngarau ki ngā momo horopaki o te wāhi e noho nei te kura – pēnā he kura ki tai, ki tuawhenua, ki tāone nui rānei
  • Me tūhono ngā akoranga pāngarau ki ērā atu wāhanga ako o te kura – pēnā ko tētahi kaupapa pūtaiao (pērā i te awa), pēnā ko tētahi kaupapa tikanga ā-iwi (pērā i te whakahaere paremata), pēnā ko tētahi kaupapa hauora (pērā i te kai tika me te whakapakari tinana).
  • Me tūhono ngā akoranga pāngarau ki ngā momo horopaki e taunga ana te ākonga, pērā i te hākinakina, te mahi rorohiko me te mahi toi.
  • Whakaaturia ngā horopaki Māori i roto i ngā akoranga pāngarau pērā i te hanga o te wharenui, te kapa haka, te tito pātere me te manaaki manuhiri.

Taumata 5

Te Tau Me Te Taurangi Te Whakarite Haerenga Tukuna mā ngā ākonga e whakarite tētahi haerenga o te kura (pēnā he haerenga o te kapa haka, o tētahi tīma hākinakina rānei). Koia nei ētahi āhuatanga hei tūhura mā rātou, hei tātai, hei whakatau:
  • Te huarahi ki te wāhi e tū ai te hui e haere nei rātou – te tawhiti me te ahunga o te haerenga me te roa e haere ana, te taunga (wāhi noho) o ngā tāone ka hipa, ngā wāhi whakatā, te rahi o te kōhinu ka pau ...
  • Te utu o te haerenga – te rīhi pahi paku, pahi nui rānei (te mea he māmā ake te utu), te utu o te wāhi noho, o te kai me ērā atu āhuatanga o te haerenga hei utu.
Te Ine Me Te Āhuahanga Te Hanga Māra
  • Tūhuratia te pānga o te whānui, te roa me te horahanga o tētahi māra kai he tapawhā hāngai te āhua. Whakaaturia ngā pānga ki te kauwhata.
  • Hoahoatia he māra putiputi mō tētahi wāhi i te kura, i te marae rānei. Tuhia hei hoahoa āwhata.
  • Whiriwhiria te rahi o te oneone hei whakakī i te māra.
Te Tauanga Te Waihanga Kēmu Tūponotanga Tūhuratia ētahi kēmu tūponotanga, ka tātai ai, ka whakamātau ai i te tōkeke o aua kēmu. Tonoa ngā ākonga kia waihanga i ā rātou ake kēmu.

Tirohia:
He Kēmu Tūponotanga
Pēhea nei te Tōkeke