Ko ēnei raeumi matihiko e toru hei āwhina ki te tūhura i te hanga me ngā whakaahuahanga o ngā tau. Kei runga, kei raro hoki i ngā mati ētahi pere. Mā te pāwhiri i ēnei pere e whakapiki e whakaheke rānei i te tau, te pikitia e whakaatu ana i te tau me ngā kupu tau.
Inā pāwhiria te tohu tukuoro, ka rangona te ngā kupu tau, ā, mā te pāwhiri i te pere ahumauī, te pere ahumatau rānei, ka kitea ētahi atu whakaahuahanga o te tau. Inā pāwhiria te mataono tau, mā te rorohiko anō e whakaputa tētahi tau hei whakaahua mā te ākonga i te rauemi nei. Ka puta hoki ētahi kōrero āwhina.
Ka whai wāhi mai ngā tauoti mai i te 0 ki te 999 i te rauemi matihiko “Te Whakatauira Tau Mati-3”.
Ka whai wāhi mai ngā tauoti mai i te 0 ki te 999 999 i te rauemi matihiko “Te Whakatauira Tau Mati-6”.
Ka whai wāhi mai ngā tau ā-ira (kia toru ngā mati ā-ira) mai i te 0 ki te 999.999 i te rauemi matihiko “Te Whakatauira Tau ā-Ira”.