Ngā Akoranga Matihiko |
Tau |
Te tāhei tangotango: hangaia āu ake tangohanga | 3-6 |
Te tāhei tangotango: hangaia āu ake tangohanga uaua | 3-6 |
Te tāhei tangotango: ngā tangohanga kua hangaia kē | 3-6 |
Te tāhei tangotango: he tangohanga uaua | 3-6 |
E aro ana tēnei huinga akoranga matihiko ki ngā rautaki ā-hinengaro hei whakaoti tangohanga. Ka whakamahia he tāhei kia kite ai ngā ākonga i te whaihua o te wāwāhi i ngā tau hei whakamāmā i te tangohanga, e taea ai te whakaoti mā ngā meka mōhio.
Mā te pāwhiri i te pūtohu ‘tīwhiri’, ka puta ngā whakamārama mō ētahi rautaki e rua hei āwhina i te ākonga. Ko tētahi o ngā rautaki, ko te ‘whakaawhiwhi ki te 10 tata’. E tino hāngai ana tēnei rautaki ki ngā tangohanga pērā i te 42 – 6. Ka wāwāhia te 6 ki te 2 me te 4. Ka tangohia te 2 i te tuatahi, ka 40, kātahi ka tango ai i te 4, ka 36.
Ko tētahi anō rautaki, ko te ‘paremata’. Hei tauira, ko te tangohanga 42 – 8. Ka tangohia te 10 i te tuatahi nā te mea he tau māmā te 10, ka 32. Kātahi ka tāpiri i te 2, kia rite ki te tango i te 8, arā, ka 34.