Kaupae 8: Wāwāhi Tau Pānga Riterite

15 ngā rare rōpere, 18 ngā rare panana, 21 ngā rare ārani kei tētahi pēke rare nui. He pērā anō te āhua o te ranunga rare kei tētahi pēke iti. 10 ngā rare rōpere kei te pēke iti. E hia ngā rare panana? E hia ngā rare ārani?

(Whakarahia)

Pouako: 15 ngā rare rōpere, 18 ngā rare panana, 21 ngā rare ārani kei tētahi pēke rare nui. He pērā anō te āhua o te ranunga rare kei tētahi pēke iti. 10 ngā rare rōpere kei te pēke iti. E hia ngā rare panana? E hia ngā rare ārani?
Ākonga: Katoa ngā tau, he taurea o te 3. E rua hautoru te itinga iho o ngā rare rōpere i te pēke iti, tērā i te pēke nui.
Nō reira kia rua hautoru anō te itinga iho o ngā rare panana me ngā rare ārani.
Ko te 12 te rua hautoru o te 18. Ko te 14 te rua hautoru o te 21. Nō reira 12 ngā rare panana, 14 ngā rare ārani.

I te Kaupae 8, ka kōwhiri te ākonga i te rautaki e tino whaihua ana, mai i āna rautaki maha, hei whakatau tata, hei whakaoti rapanga e whai wāhi mai ana te hautanga, te pānga riterite me te ōwehenga.
Ko te taurea pātahi hei tūāpapa mō ētahi o ngā rautaki matua o tēnei kaupae.
Ka ako hoki i ngā rautaki whakarea tau ā-ira, me te tātai hoki i ngā ōrau.

Rauemi Whakaako