Pouako: 121 katoa ngā ākonga i te kura o Hera, 66 he kōtiro. Tokohia ngā tama? Ākonga: E mōhio ana ahau, 11 ngā 11 kei roto i te 121. E 6 ngā 11 kei roto i te 66. 11 tangohia te 6, ka 5 ngā 11. Ko te 55 tērā.
I te Kaupae 7, kua mau i te ākonga te maha o ngā rautaki wāwāhi tau, ā, ko tāna he kōwhiri i te rautaki e hāngai ana hei whakaoti, hei whakatau tata rānei i te otinga o ngā rapanga ka whai wāhi mai te tāpiri me te tango.
I ēnei rautaki, ka wāwāhi te ākonga i t/ētahi o ngā tau, ka rāwekeweke, ka whakahuihui anō i ngā wāhanga kia māmā ai te whakaoti.
