Pouako: E kohikohi pipi ana te whānau o Mareta. E 36 ngā pipi i kohia e Mareta, 18 i kohia e tōna teina, 27 i kohia e tōna whaea. E hia katoa ā rātou pipi? Ākonga: Katoa ēnei tau, he taurea o te 9. E 4 ngā 9 kei roto i te 36, e 2 ngā 9 i te 18, e 3 ngā 9 i te 27. Hui katoa, e 9 ngā 9, ko te 81 tērā.
I te Kaupae 7, kua mau i te ākonga te maha o ngā rautaki wāwāhi tau, ā, ko tāna he kōwhiri i te rautaki e hāngai ana hei whakaoti, hei whakatau tata rānei i te otinga o ngā rapanga ka whai wāhi mai te tāpiri me te tango. I ēnei rautaki, ka wāwāhi te ākonga i t/ētahi o ngā tau, ka rāwekeweke, ka whakahuihui anō i ngā wāhanga kia māmā ai te whakaoti.
