Kaupae 7: Wāwāhi Tau Whakarea

He tapawhā hāngai te āhua o te pātītī hou e whakarite ana a Herewini i tōna kāinga, 0.6 mita mā te 23.4 mita. Kotahi te pēke purapura hei ruirui ki ia 14 mita pūrua (m²). E taea ana te pātītī hou ki te pēke kotahi?

Pouako: He tapawhā hāngai te āhua o te pātītī hou e whakarite ana a Herewini i tōna kāinga, 0.6 mita mā te 23.4 mita. Kotahi te pēke purapura hei ruirui ki ia 14 mita pūrua (m²). E taea ana te pātītī hou ki te pēke kotahi?
Ākonga: 10 whakareatia ki te 0.6, ka 6. Nō reira 20 whakareatia ki te 0.6, ka 12. E 3 ngā 0.6, ka 1.8. Whakareatia te 0.4 ki te 0.6, ka 0.24. Hui katoa te 12, te 1.8 me te 0.24, ka 14.04.
14.04 mita pūrua (m²) te rahi o te pātiti hou. Ahakoa he paku te nui ake o te 14.04, tērā i te 14, e taea tonu ana e te pēke kotahi.

I te Kaupae 7, kua mau i te ākonga te maha o ngā rautaki wāwāhi tau, ā, ko tāna he kōwhiri i te rautaki e hāngai ana hei whakaoti, hei whakatau tata rānei i te otinga o ngā rapanga ka whai wāhi mai te whakarea me te wehe.
I ēnei rautaki, ka wāwāhi te ākonga i t/ētahi o ngā tau, ka rāwekeweke, ka whakahuihui anō i ngā wāhanga kia māmā ai te whakaoti.