1. Ka whai i ngā tikanga mō te tūhuratanga tauanga ki te whakamahere, ki te whakatutuki tirohanga tauanga, whakamātau tauanga hoki: ka whakatakoto pātai, tāpaetanga kōrero rānei; ka whakatau i ngā taurangi hei ine me ngā waeine e hāngai ana; ka whakatau i te tukanga kohikohi raraunga; ka kohikohi raraunga; ka wehewehe raraunga; ka āta whakaaro ki ngā take e taurangi ai ngā raraunga; ka kōwhiri i ngā whakaari raraunga e whaitake ana, me te wehewehe anō i ngā raraunga e kitea ai ngā tauira, ngā ia, ngā pānga me ngā taurangitanga o ngā raraunga whakarōpū matatini; ka whakatairite i ngā tìpako me te hono anō o ngā tìpako ki ngā taupori, mā te whakamahi i ngā inenga wēanga me te hora o ngā raraunga; ka whakaputa pūrongo mō te pātai i tūhuratia. ka mārama ki ngā tikanga matatika e hāngai ana.