Taumata 4

4. Ka tūhura i ngā pūāhua tūponotanga: ka whakatairite i te tuari o ngā putanga whakamātau me ngā matapaenga; ka mārama ki ngā putanga katoa e taea ana; ka mārama ki te taurangitanga o ngā putanga kāore e tika ana; ka whakamahi hautanga ki te whakaatu tūponotanga.
 

3. Ka whakamārama, ka arotake i te whaihua o ngā momo whakaari raraunga, ka whakaputa kōrero mō ngā taurangitanga e kitea mai ana.
 

2. Ka mārama ki te tikanga o ngā wēanga me te whakamahinga o ngā wēanga.
 

1. Ka whai i ngā tikanga mō te tūhuratanga tauanga e whai wāhi mai ana te raraunga whakarōpū matatini, te raraunga ine, me te raraunga houanga: ka whakatakoto pātai, tāpaetanga kōrero rānei; ka whakatau i ngā taurangi hei ine; ka whakatau i te tukanga kohikohi raraunga; ka kohikohi raraunga; ka wehewehe raraunga; ka hanga whakaari raraunga e whaitake ana; ka whakatairite i te āhua o ngā tuari raraunga (ngā wēanga me te hora o ngā raraunga); ka whakaputa kōrero mō te pātai i tūhuratia. ka mārama ki ngā tikanga matatika e hāngai ana.
 

7. Ka tautohu, ka whakamārama, ka whakamahi i ngā āhuatanga pūmau o ngā panoni.
 

6. Ka tautohu, ka whakamārama, ka whakamahi i te hangarite o tētahi āhua ahu-2, āhua ahu-3.
 

5. Ka whakaatu, ka whakamārama, ka whakamahi i te wāhi noho (taunga) o tētahi mea, me te ahunga: ngā tōpito; ngā koki o te kāpehu; ngā āhuatanga o te taiao; te tukutuku (takirua raupapa); te mahere.
 

4. Ka tuhi raumata hei hanga matarau.
 

3. Ka tūhono i te āhua ahu-3 me tōna hoahoa ahu-2.

2. Ka tautohu, ka whakamārama i ngā tikanga āhuahanga o ngā rōpū āhua ahu-2 me ngā rōpū āhua ahu-3.