Kei raro nei ngā akoranga matihiko e hāngai ana ki te pukapuka Tihei Pāngarau, Te Ine me te Āhuahanga, Taumata 4. Pāwhiria te mea e hiahiatia ana.
Ko te painga atu me rēhita ki konei, kia taea te koke haere o te ākonga me tōna angitu, te aroturuki. Ka taea hoki te whātoro atu ki ētahi atu akoranga matihiko pāngarau maha i te reo Māori (arā, ngā e-ako katoa).
| e-ako 1: Te Tūāpapa o te Ine |
Ko ngā āhuatanga o tētahi mea e taea ana te ine; ko ngā momo taputapu ine; ko ngā waeine e hāngai ana ki tēnā āhuatanga ine, ki tēnā āhuatanga ine; ko te pānui i ngā āwhata o ngā momo taputapu ine; ko te whakawhiti waeine; ko te whakatau tata i te ine. |
| e-ako 2: Te Paenga me te Horahanga |
Ko te paenga o ngā momo taparau, porowhita hoki, me ngā whārite hei whiriwhiri i te paenga; ko ngā waeine mō te paenga me te horahanga; ko te horahanga o te tapawhā hāngai, tapatoru hoki, me ngā whārite hei whiriwhiri i te horahanga; ko te whakawhitiwhiti i ngā waeine ngahuru mō te horahanga. |
| e-ako 3: Te Koki |
Ko te tātai i te rahi o tētahi koki; ko ngā koki motuhake nei, te koki hāngai, te koki torotika me te koki huripū; ko te tātai rōrahi o te poro tapawhā hāngai me te poro tapatoru; ko te whakawhitiwhiti i ngā waeine mō te rōrahi. |
| e-ako 4: Te Wā me te Pāpātanga |
Ko te pānui me te ine i te wā-12 me te wā-24; ko te tātai i te takanga wā; ko te pānui wātaka; ko te pāpātanga hei waeine; ko te whakatairite pāpātanga.
|
| e-ako 5: Te Āhua Ahu-Rua |
Ko te hanga o ngā āhua ahu-rua; ko te koki hāngai, te koki torotika me te koki huripū; ko te tātai i ngā koki o tētahi taparau. |
| e-ako 6: Te Āhua Ahu-Toru |
Ko ngā ingoa o ngā momo āhua ahu-3, me te whakaahua i ēnei āhua ahu-3; ko ngā momo poro, ngā koeko me ngā matarau rite; ko te horahanga mata me te rōrahi o ētahi āhua ahu-3; ko ngā raumata o ētahi āhua ahu-3 māmā; ko ngā whārite e hāngai ana ki ētahi āhuatanga o ngā āhua ahu-3.
|
| e-ako 7: Te Whakaatu Āhua Ahu-3 ki te Hoahoa |
Ko te tuhi hoahoa inerite hei whakaatu āhua ahu-3, ko ngā momo tirohanga ki tētahi āhua ahu-3, ko te raumata o ētahi āhua ahu-3 māmā. |
| e-ako 8: Te Whakarahi me te Hoahoa Āwhata |
Ko te whakarahi āhua; ko te whiriwhiri me te whakamahi taurahi; ko te whiriwhiri me te whakamahi āwhata; ko te tuhi hoahoa āwhata. |
| e-ako 9: Te Ahunga |
Ko ngā ahunga o te kāpehu; ko ngā ahunga koki; ko te whakaatu ara ki te tukutuku, ki te pere anō hoki. |
| e-ako 10: Te Whakaata me te Hangarite |
Ko te whakaata pūwāhi, āhua ahu-rua hoki; ko te hangarite o ngā matarau rite; ko ngā āhuatanga ka pūmau tonu i te whakaatanga, me ngā āhuatanga ka rerekē. |
| e-ako 11: Te Huri |
Ko te huri i tētahi āhua, i tētahi pūwāhi rānei; ko ngā āhuatanga ka noho pūmau me ngā āhuatanga ka rerekē i te huringa o tētahi āhua; ko te whiriwhiri i te pū me te rahi o tētahi huringa; ko te whakaatu huringa ki te papa tukutuku. e-ako 12: |
| e-ako 12: Te Neke me te Whakarahi |
Ko te neke i tētahi āhua, i tētahi pūwāhi rānei; ko te tuhinga whakapoto hei tohu nekehanga; ko te tāpiri nekehanga; ko te whakarahi āhua; ko te whiriwhiri i te pū whakarahi me te taurahi. Ko te whiriwhiri i te horahanga o tētahi āhua whakarahi. |