Ngā rauemi tautoko e hāngai ana ki Ngā Whanaketanga.
Ngā Kowae Ako
| Taumata | Kōwae Ako | Whāinga Paetae | Whakamārama |
| 1 | Te Whakaatu Tāpiritanga | 3 | Ka tūhurangia ētahi momo hoahoa hei whakaatu tāpiritanga, me te tuhi tāpiritanga hei whārite. Ko te tino aronga, ko te tatau ake hei rautaki whakaoti tāpiritanga. |
| 1 | Tatau Māwhitiwhiti | 1 4 | Ka tūhurangia ngā tauira o roto i te tatau māwhitiwhiti. Ka tirohia ngā tauira ina whakaaturia te tatau māwhitiwhiti ki te rārangi tau, ki te kauwhata, ki te tukutuku tau anō hoki. I takea mai tēnei kōwae ako i te kōwae ako reo Ingarihi nei, te Beetle Wheels. |
| 1 | Tekau Ngā Poraka | 4 | E takea mai ana tēnei kōwae ako i te rotarota, ‘Tekau ngā poraka i runga i te toka’. Ko te tatau māwhitiwhiti te aronga matua. |
| 2 | Tuitui Tukutuku | 7 | I tēnei kōwae ako, ka tirohia ngā tauira tāruarua o te mahi tukutuku ka honoa atu ki te tatau māwhitiwhiti, te kauwhata me te tūtohi. |
| 3 | Hangaia Ki Te Māti | 6 7 8 | He whakamahi māti hei hanga i ētahi tauira, he whakaroa i ngā tauira, he tirotiro hoki i ngā pānga kei roto i ngā tauira māti. |
| 4 | Te Taurangi | 8 | Ka tirotirohia ētahi pūāhua rerekē e whai wāhi mai ana tēnei mea te taurangi. Ko te tunu parāoa, ko te mahi hāngi, ko te rōnaki, ko te tipu o te tamariki ētahi o ēnei kaupapa. |
| 4 | He Pānga Taurangi | 8 | He tirotiro i ngā tauira o roto i te tapatoru a Pascal, me tētahi rautaki hei tātai i te tapeke o ētahi tau piri tata. |
| 5 | He Tūāpapa Taurangi | 5 8 9 | He tirotiro i ētahi horopaki mō te whakaako i ngā āhuatanga matua o te taurangi, pērā i te whakaatu pānga ki te tūtohi, te whārite me te kauwhata rārangi. E whai ana i te ia o te kōwae ako reo Ingarihi Holistic Algebra. |
| 5 | He Kauwhata Rārangi Torotika | 5 8 9 | Ka āta tirohia te tuhinga o te kauwhata rārangi torotika hei whakaoti rapanga e hāngai ana ki te momo whārite ax + ey = c. I takea mai tēnei kōwae ako i te kōwae ako reo Ingarihi Linear Graphs and Patterns. |
Ngā rauemi o Tihei Pāngarau.
He rauemi e hāngai ana ki te kohinga pukapuka o Tihei Pāngarau. Ko ētahi mā te hunga ākonga, ko ētahi mā te pouako.