Nau mai ki te kokonga rapu rauemi reo Māori o nzmaths.
Mā tēnei wāhanga o nzmaths e rapu ai koe i ngā rauemi reo Māori o nzmaths e hiahia nā koe.
Tomokia, tonoa rānei kia whai mana koe ki tēnei wāhanga o te pae ipurangi (he utu-kore), kia āhei ai koe ki te pupuri i ō kohinga rauemi hei whakamahere i ō akoranga. Pānuihia te help file hei āwhina i a koe ki te hanga i ō mahere ako (kei roto tēnei pae āwhina i te reo Ingarihi).
Tirohia ngā Rauemi e Hāngai ana ki ngā Whāinga Paetae o te Marautanga
The Ministry is migrating nzmaths content to Tāhurangi. Relevant and up-to-date teaching resources are being moved to Tāhūrangi (tahurangi.education.govt.nz). When all identified resources have been successfully moved, this website will close. We expect this to be in June 2024. e-ako maths, e-ako Pāngarau, and e-ako PLD 360 will continue to be available.
Ko ngā mahi i konei, he tūhura i ngā tikanga o te whakaatu i te ahunga me te taunga o tētahi haere. Ka torotoro atu ki ngā mātauranga o ngā mātua tīpuna, me ngā mātauranga e whakamahia whānuitia ana i ēnei rā mō ēnei kaupapa. Ka whakaakona ngā ahunga matua, me ngā ahunga tākiri o te kāpehu . Ka...
Kia mōhio te ākonga ki:
te whakamahi tika i ngā momo kupu mō te ahunga
ngā ahunga matua
ngā ahunga tākiri o te kāpehu me te pānga o ēnei ki ngā ahunga matua, me te whakamahinga o ngā ahunga.
I tēnei kōwae ako ka tūhurangia te rārangi tau haupae me te rārangi tau poutū hei whakatauira i te tatau whakamua me te tatau whakamuri, hei whakaoti hoki i ngā rapanga tāpiri me ngā rapanga tango.
Kia mōhio ngā ākonga ki te:
whakatauira tāpiritanga ki te rārangi tau
whakamārama i ana whiriwhiringa ki te whakaoti rapanga
E hāngai ana tēnei kōwae ako ki te rauemi matihiko nei, Te Hautanga o te Hautau. Ko tā tēnei rauemi, he āwhina i ngā ākonga ki te tūhura i tētahi rautaki hei whiriwhiri i te hautanga o tētahi hautau . E hāngai ana tēnei kōwae ako ki te Kaupae 7 o te Mahere Tau (Te Poutama Tau). He āhua ōrite tēnei...
Kia mōhio te ākonga ki te:
whakamahi i te maheretukutuku hei whakaatu i te whiriwhiringa o te hautanga o tētahi hautau
whakaoti rapanga e whai wāhi mai ana te hautau (ko ngā hautau nui ake i te kotahi anō hoki)
Ko te hautau te kaupapa ka tirohia i konei. Ka whakaakohia te tikanga o te huarua, te hautoru, te hauwhā me te haurima. Koia nei ngā horopaki: ko te hautau o tētahi āhua; ko te hautau o tētahi roa; ko te hautau o tētahi rōrahi ; ko te hautau o tētahi huinga .
Kia mōhio te ākonga ki:
te tikanga o te haurua, te hautoru, te hauwhā me te haurima. Arā, ko te whakawehe i tētahi āhua, i tētahi rahinga, i tētahi huinga rānei ki ngā wāhanga ōrite.
te whakaingoa, ki te whakaatu, ki te tuhi hoki i ngā hautau nei: ½, 1/3, ¼, 1/5
Ko te kaupapa nei, he āta tirotiro i te hautanga o tētahi āhua , te hautanga o tētahi roa, me te hautanga o tētahi huinga . Ko te hononga o te hautanga ki te katoa o te āhua, te roa, te huinga rānei tētahi aronga matua.
Kia mōhio te ākonga:
ki te kimi mai i te hautau o tētahi āhua, tētahi roa, tētahi huinga rānei
ki te kimi mai i te katoa o tētahi āhua, tētahi roa, tētahi huinga rānei mēnā ka mōhiotia tētahi hautanga
Ka whakaakona ngā tikanga o te punaha ngahuru mō te tau ā-ira . Arā, ko te huri i te hautau hei tau ā-ira , ko te whakaatu me te raupapa i te tau ā-ira, ko te whakaawhiwhi i te tau ā-ira. Kia rua wiki pea te roa hei whakaoti i tēnei kōwae ako.
Kia mōhio te ākonga ki:
ngā tikanga o ia mati i roto i ngā tau ā-ira (ki ngā mati a-ira e toru)
ētahi kēmu pāngarau hei whakaū i ngā mātauranga uara tū ā-ira
te huri i te hautau hei tau ā-ira
te raupapa tau ā-ira
te whakaawhiwhi i te tau ā-ira ki te tahi (1), te ira tahi (0.1) me te ira300
Ka āta tirohia te whakaatu i ngā putanga e taea ana i tētahi horopaki tūponotanga ki te hoahoa rākau , me te whakamahi hoahoa rākau hei tātai tūponotanga. I takea mai tēnei kōwae ako i te kōwae ako reo Ingarihi Probability Trees . E rua wiki pea te roa o tēnei kōwae ako.
Kia mōhio te ākonga:
ki te whakamahi hoahoa rākau hei whiriwhiri i ngā tūponotanga o ngā putanga e taea ana i tētahi horopaki tūponotanga
ki te waihanga pūāhua tūponotanga, me te tuku pātai e hāngai ana.
Ko te kaupapa nei, he tūhura , he kimi i te ture mō te tātai i te horahanga o tētahi tapatoru , he whakamahi hoki i taua ture. Ka whakapakari anō i ngā rautaki mō te whakarea me te whaka wehe .
Kia mōhio te ākonga:
E taea ana ētahi tapatoru hāngai ōrite e rua te hono hei hanga tapawhā hāngai.
Mēnā he ōrite te roa o te pūtake me te teitei o tētahi tapatoru hāngai ki te roa me te whānui o tētahi tapawhā hāngai, he haurua te horahanga o te tapatoru hāngai, tērā i te horahanga o te300
I tēnei kōwae ako ka tūhurangia te momo ine tuatahi, arā, te whakatairite i te rahi o ētahi mea. E toru ngā ngohe e aro ana ki te roa , te taumaha me te kītanga .
Kia mōhio te ākonga ki:
te whakatairite i te roa, te taumaha me te kītanga o ētahi mea
te reo hei whakatairite i te roa, te taumaha me te kītanga o ētahi mea
Ko te kaupapa nei, he āta tirotiro i ngā waeine ngahuru mō te roa , te hononga o tētahi ki tētahi, te whakamahi i ngā taputapu ine , me te whakatau tata i te roa o tētahi mea. Ka whai wāhi mai ko te mitamano , te mitarau , me te mita . Ko te tuhi hoahoa / mahere āwhata tētahi o ngā mahi.
Kia mōhio te ākonga ki te:
huri i ngā waeine ngahuru nei mō te roa: mitamano (mm), mitarau (cm), mita (m)
Ka āta tirohia te tuhinga o te kauwhata rārangi torotika hei whakaoti rapanga e hāngai ana ki te momo whārite ax + ey = c. I takea mai tēnei kōwae ako i te kōwae ako reo Ingarihi Linear Graphs and Patterns .
Kia mōhio te ākonga:
ki te whiriwhiri i ngā takirua taungatauoti hei tuhi kauwhata rārangi torotika e hāngai ana ki tētahi rapanga;
ki te whiriwhiri, ki te whakamāori hoki i ngā takirua taunga o tētahi kauwhata e whai tikanga ana;
ki te tūhono i ngā kauwhata rārangi torotika ki ngā whārite300
Ko ngā mahi i konei, he tirotiro i ngā momo huarahi e inea ai te rōrahi wai, he tūhura i tētahi kēmu hākinakina me te pūnaha whiwhinga mō taua kēmu, he tuhi kauwhata hoki.
Ko ngā mahi i konei, he tūhura i tēnei mea te tūponotanga . Ka whakamahia te hautau hei whakaatu tūponotanga , ka tirohia ētahi kēmu tūponotanga, ka tuhia hoki he hoahoa rākau.
Kia mōhio te ākonga:
ki te whakahaere i tētahi whakamātautau tūponotanga.
ki te tuhi hoahoa rākau hei whakaatu i ngā putanga e taea ana.
ki te te whakamārama te i te tōkeke o tētahi kēmu tūponotanga.
I tēnei kōwae ako, ka tirohia te ine, te whakaatu, me te whakatairite i te tere o tētahi waka, o tētahi tangata rānei. Ka whai wāhi mai ko te rārangi tau matarua me te kauwhata rārangi.
Ko tā te kaupapa nei, he tirotiro i ngā waeine o te rita (L) me te ritamano(mL) hei ine kītanga , me te hono ano o te kītanga o tētahi ipu ki te papatipu o te wai ka taea te whakauru ki taua ipu. Tāpiri atu ki tēnā, ko te hononga o te kītanga (l/mL) ki te rōrahi o tētahi mataono (cm 3 ).
Kia mōhio te ākonga ki:
te rahi o te rita (L), te ritamano (mL), te karamu (g), te manokaramu (kg) me te cm3
te whakatau tata i te kītanga o tētahi ipu me te papatipu o te wai ka taea te whakauru ki taua ipu
te ine i te kītanga o tētahi ipu me te papatipu o te wai ka taea te whakauru ki taua300
Ka āta tirohia tēnei mea te koki, arā: ngā wāhi e kitea ai te koki, pērā i te huri o ngā ringaringa o te karaka, te huri o ētahi wāhanga o te tīnana, me te huri o te kūaha. te hononga o te hurihanga me te tākiri hei whakaatu i te rahi o tētahi koki te whakatau tata me te ine i te koki.
E hāngai ana tēnei kōwae ako ki te rauemi matihiko nei, ‘Koki’. Ko tā tēnei rauemi matihiko, he āwhina i te ākonga ki te ine , ki te tuhi rānei i tētahi, mā te whakamahi i tētahi atu koki hei waeine . He āhua ōrite tēnei kōwae ako ki te kōwae ako reo Ingarihi Angles.
Kia mōhio te ākonga ki te:
whakatau tata, ki te ine hoki i te rahi o tētahi koki, mā te whakamahi i tētahi atu koki hei waeine.
Ko tā te kōwae ako nei he tūhura i tēnei mea te tūponotanga . Ka whakawhanake i ngā whakaaro ki te tūponotanga o tētahi putanga , me te reo māmā e hāngai ana. He kēmu katoa ngā ngohe o tēnei kōwae ako.
Kia mōhio te ākonga ki:
te reo māmā hei whakaputa whakaaro ki te tūponotanga o tētahi putanga
ngā putanga e taea ana i tētahi pūāhua tūponotanga
E hāngai ana tēnei kōwae ako ki te akoranga matihiko nei, Moni Taurewa, Moni Penapena . Ko tā te Moni Taurewa, Moni Penapena , he āwhina i ngā ākonga ki te tūhura i te tāpiri me te tango tau tōpū . Ko te horopaki o te pūtea pēke hei whakaatu i te tāpiri me te tango tau tōrunga , tau tōraro hoki. Ina...
Te Whāinga Ako
Kia mōhio te ākonga ki te:
whakaoti rapanga tāpiri, rapanga tango hoki, e whai wāhi mai ana te tau tōrunga me te tau tōraro.