Kia mōhio te ākonga:
Whārangi Tārua 1
Whārangi Tārua 2
Whārangi Tārua 3
Ngā tohutohu | He Tauira Kōrero Mā Te Pouako | |||||||||
Tuhia te rapanga nei ki te papa tuhituhi, ka pānui tahi ai me ngā ākonga. E rua ngā putiputi e tipu ana, he kāneihana tētahi, he parani tētahi. Ka inea e Haki te teitei o ēnei putiputi. E 40 cm te teitei o te kāneihana, e 20 cm te teitei o te parani. I te paunga o te rua wiki, ka inea anō ngā putiputi nei. E 60cm te teitei o te kāneihana, e 40 cm te parani. Ko tēhea te putiputi he rahi rawa te tipu i roto i te rua wiki nei? Whakawhitiwhiti kōrero mō te whakaatu i ngā kōrero matua i tēnei rapanga ki tētahi tūtohi. |
He aha ngā kōrero matua i roto i te rapanga nei? Ko ngā inenga a Haki i te teitei o ngā putiputi. Me pēhea te whakaatu i ngā inenga nei? Whakaaturia ki te tūtohi. Tuhia te momo putiputi ki runga o te tūtohi. Whakaaturia ngā inenga ki te taha mauī.
|
|||||||||
Tonoa ngā ākonga ki te whakaatu i te tipu o ngā putiputi ki tētahi kauwhata pou. | Me mahi takirua koutou ki te whakaatu i te teitei o ngā putiputi nei ki tētahi kauwhata pou. Ko tēhea o ēnei kauwhata te mea pai hei tirotiro i te rahi o te tipu i roto i te rua wiki? E pai ana te kauwhata tuarua nā te mea e noho kotahi ana ngā pou mō te inenga tuatahi me te inenga tuarua mō ia putiputi. He māmā ake te kite i te rahi o te tipu o tēnā me tēnā o ngā putiputi. |
|||||||||
Whakawhitiwhiti kōrero mō te pātai ko tēhea te putiputi he rahi rawa te tipu. | Me hoki tātou ki te rapanga. Ko tēhea te puptiputi he rahi rawa te tipu? He tauira whakautu:
|
|||||||||
Whakaaturia te whakautu tuatahi hei tāpiritanga. Whakaaturia te whakautu tuarua hei whakareatanga. |
Kei te pai ngā whakautu e rua. Ko tētahi e whakaatu ana i te rahi o te tipu, koia anake. Kāore i arohia te teitei o te putiputi i te tīmatanga. Arā, he tāpiripiri te whakaaro:
Ko te whakautu tuarua i āta arohia te teitei o te putiputi i te tīmatanga. Arā he whakaaro whakarea:
|
|||||||||
Kei Whārangi Tārua 1 (PDF, 72KB) ētahi atu rapanga pēnei hei tūhura mā ngā ākonga. He mea nui te:
|
Ngā tohutohu | He Tauira Kōrero Mā Te Pouako | ||||||||||||||||||||||||||||||||||||
Tuhia te rapanga nei ki te papa tuhituhi, ka pānui tahi ai me ngā ākonga. Ko tēhea o ēnei tapawhā hāngai e pātata nei te āhua ki te tapawhā rite:
Whakawhitiwhiti kōrero mō te whakautu. |
Me mahi takirua ki te āta whakaaro i tēnei rapanga. He aha tētahi rautaki matua? Ko te tuhi pikitia. He pātai ārahi: Mō te tapawhā hāngai tuatahi, e hia te rahinga ake o te roa, tērā i te whānui? E 3 cm te rahinga ake (1 + 3 = 4). Mō te tapawhā hāngai tuarua, e hia te rahinga ake o te roa, tērā i te whānui? E 3 cm te rahinga ake (2 + 3 = 5). Nō reira kei te tika, kāore i te tika rānei te whakautu he ōrite te āhua o ngā tapawhā hāngai nei, kāore tētahi e pātata atu i tētahi ki te āhua o te tapawhā rite? Kāore i te tika. Titiro ki te āhua o ngā tapawhā hāngai. He whāiti te āhua o te mea tuatahi, he whānui ake te āhua o te mea tuarua. Ko te mea tuarua e pātata atu ana ki te āhua o te tapawhā rite. Mō te tapawhā hāngai tuatahi, e hia te whakareatanga ake o te roa, tērā i te whānui? Whakareatia te whānui ki te 4, ka rite ki te roa (1 x 4 = 4) Mō te tapawhā hāngai tuarua, e hia te whakareatanga ake o te roa, tērā i te whānui? Whakareatia te whānui ki te 2 1/2 , ka rite ki te roa (2 x 2 1/2 = 5) Titiro ki te tūtohi nei:
He aha te tauira e kitea mai ana i te tūtohi? He rahi ake te tau whakarea mō te tapawhā hāngai whāiti (tapawhā hāngai 1). Kāore i te pērā rawa te rahi o te tau whakarea mō te tapawhā hāngai āhua whānui nei (tapawhā hāngai 2) Ko te 1 te tau whakarea mō tētahi tapawhā rite. |
||||||||||||||||||||||||||||||||||||
Hoatu ētahi atu rapanga pēnei. Mēnā e mārama ana te ākonga ki te pānga riterite o te whānui me te roa o tētahi tapawhā hāngai, kāore he take o te tuhi pikitia. | Anei anō ētahi tapawhā hāngai takirua. Ko tēhea o ia takirua te mea e pātata atu ana ki te āhua o te tapawhā rite?
|
Ngā tohutohu | He Tauira Kōrero Mā Te Pouako | ||||||
Tuhia te rapanga nei ki te papa tuhituhi, ka whakawhitiwhiti kōrero ai mō te rautaki tino whaihua hei whakaoti. E $9 te utu mō ngā pukapuka e 3. E hia ngā pukapuka ka taea te hoko mō te $45. |
Anei anō tētahi rapanga. E pai ana te whakaatu i ngā kōrero ki tētahi tūtohi:
He aha ētahi rautaki hei tātai i te maha o ngā pukapuka e taea te hoko mō te $45? He tauira whakautu:
Ko tēhea te rautaki tino māmā? He āhua māmā ngā rautaki katoa. |
||||||
I tēnei o ngā rapanga kāore i te pērā rawa te māmā o ngā rautaki katoa. Kotahi anake pea te rautaki e tino whaihua ana. Ko tā ngā ākonga, he āta whiriwhiri i te rautaki e māmā ake ana. E $2.40 te utu mō ngā pene e 3. E hia te utu mō ngā pene 10? |
Me mahi takirua kōrua ko tō hoa ki te whiriwhiri i te rautaki e tino whaihua ana hei whakaoti i te rapanga, ka whakamārama mai ai ki te akomanga. Tuatahi, ka whakaaturia ngā kōrero o te rapanga ki tētahi tūtohi:
He māmā te kitea atu mēnā ka whakareatia te maha o ngā pene ki te 80 hēneti, tērā ka rite ki te utu (3 x 80c = $2.40). Nō reira mēnā 10 ngā pene e hokona ana, ka whakareatia te 80 hēneti ki te 10 hei tātai i te utu (80c x 10 = $8.00). |
||||||
I tēnei o ngā rapanga kāore i te pērā rawa te māmā o ngā rautaki katoa. Kotahi anake pea te rautaki e tino whaihua ana. Ko tā ngā ākonga, he āta whiriwhiri i te rautaki e māmā ake ana. $15 Aotearoa hei hoko i te $13.50 Ahitereiria. E hia tāra Aotearoa hei hoko i te $54 Ahitereiria? |
Me mahi takirua kōrua ko tō hoa ki te whiriwhiri i te rautaki e tino whaihua ana hei whakaoti i te rapanga, ka whakamārama mai ai ki te akomanga. Tuatahi, ka whakaaturia ngā kōrero o te rapanga ki tētahi tūtohi:
He āhua māmā te kite atu e 4 te whakareatanga ake o ngā tāra Ahitereiria (13.50 x 2 = $26.00, $26.00 x 2 = $54.00). Nō reira me whakarea anō hoki ngā tāra Aotearoa ki te 4 ($15.00 x 4 = $60.00). E $60 Aotearoa hei hoki i te $54 Ahitereiria. |
||||||
Hoatu te Whārangi Tārua 2 (PDF, 67KB)hei whakaoti mā ngā ākonga. He mea nui kia āta tonoa rātou ki te whakaatu i ngā kōrero matua o roto i te rapanga ki tētahi tūtohi, kauwhata, pikitia rānei, me te tono hoki kia āta whakamāramahia te rautaki i whāia hei whakaoti. |
Ngā tohutohu | He Tauira Kōrero Mā Te Pouako | ||||||
Tapahia tētahi tuaina mā ia takirua kia ōrite te roa. Tonoa ngā takirua ki te āta whakaaro i tētahi waeine hei ine i te roa o te tuaina (ki te takiwā o te 1 mita pea te roa o te tuaina). Whakawhitiwhiti kōrero mō te pānga o ngā waeine i whakamahia e ia takirua. |
He mahi takirua tēnei. Anei he tuaina mā ia takirua. He ōrite te roa o te tuaina a ia rōpū. Whakaarohia tētahi waeine hei ine i te roa o te tuaina. Ākene pea he poro rākau Cuisenaire, he pene rākau, te tapa o tētahi pukapuka rānei hei waeine. Whakamahia tā kōrua waeine, ka ine ai i te roa o te tuaina. E Mere he aha te waeine i whakamahia e kōrua? Ko te pene kahurangi nei. E hia pene te roa o te tuaina? Tekau mā rima (he tauira whakautu). Rōpata, he aha te waeine i whakamahia e kōrua? Ko te rākau Cuisenaire pango nei. Titiro ki ngā waeine e rua nei, te pene i whakamahia e Mere, me te rākau pango i whakamahia e Rōpata. Pēhea nei te rahi ake o tētahi i tētahi? Kei te takiwā o te haurua o te pene te rahi o te rākau pango. Ki ō koutou whakaaro, e hia rākau pango te roa o te tuaina? Tuhia ki te tūtohi nei:
Rōpata, e tika ana tērā? E pātata ana ki te 30 ngā rākau pango tā kōrua inenga i te tuaina? |
||||||
Kia pērā tonu te whakatairite i ngā waeine me ngā inenga mō te roa o te tuaina. |
Tūhuratia te whakamahinga o te taurangi hei whakaoti rapanga pānga riterite. Hei tauira:
te roa o ngā tapa o tētahi tapawhā rite | 1 cm | 2 cm | 3.5 cm | 6.25 cm | 10 cm | h cm |
te paenga o te tapawhā rite | 4 cm | 8 cm | 14 cm | 25 cm | 40 cm | 4h cm |
Printed from https://nzmaths.co.nz/resource/he-panga-riterite at 1:44am on the 27th April 2024