Kia mōhio te ākonga ki:
He ipu
He porotiti, he pōria, he poraka rānei
Hautau Whārangi Mahi 2
Hautau Whārangi Mahi 1
He aho
He pepa nui
Hautau Whārangi Mahi 3
Hautau Whārangi Mahi 4
Hautau Whārangi Mahi 5
Hei Tīmatanga
Whakamāramahia te tikanga o te tohu whakapoto mō te haurua. Me pēnei pea ngā kōrero:
Koia nei te tohu mō te haurua.
E hia ngā wehenga ōrite?
Āe, ko te tauraro o te hautau hei whakaatu e hia ngā wehenga ōrite.
Ko te taurunga hei whakaatu e hia ngā wehenga e kōrerotia ana.Tukuna mā rātou e tuhi te tohu 1/2 ki ngā āhua.Kia pērā anō ngā mahi hei whakaatu i te tikanga o te hauwhā. Ka tāpiri anō i ngā pātai pēnei:
E hia ngā hauwhā o te porowhita?
He ōrite te rahi o ia hauwhā?
He aha te tohu e tika ana hei whakaatu i te kotahi hauwhā
Ina tangohia e Hine te kotahi hauwhā, e hia ngā hauwhā e toe ana?
He nui ake, he iti ake rānei te kotahi haurua i te kotahi hauwhā?
Ko tēhea te hautau nui rawa, ko te haurua, ko te hauwhā rānei?Hoatu te whārangi mahi ‘Hautau 1’ (PDF, 45KB) hei whakaoti mā ngā tamariki.
- e toru ngā hautoru i roto i tētahi āhua
- he ōrite ngā hautoru katoa
- e rima ngā haurima i roto i tētahi āhua
- he ōrite ngā haurima katoa
- he nui ake te 1/2 i te 1/3 , he nui ake te 1/3 i te 1/4 , he nui ake te 1/4 i te 1/5
Hoatu te whārangi mahi ‘Hautau 2’ (PDF, 62KB) hei whakaoti mā ngā tamariki.
Kimihia te hautau o tētahi rōrahi wai. Hoatu he ipu wai, me te tohutohu kia riringihia te kotahi haurua ki tētahi anō ipu. Kaua e whakamahi ipu ine, engari me āta kimi tētahi anō huarahi hei whakahaurua i te wai. Me whakatau tata, kātahi ka whakamātau i te tika o te whakataunga tata. Kia pērā anō hoki pea mō te hautoru, te hauwhā rānei i tētahi rōrahi wai.Hoatu he aho ki ngā tamariki, me ngā tohutohu pēnei i ēnei:
Hoatu te kotahi haurua o tō aho ki a Hine.
Whakahokia mai te rua hautoru o tō aho ki ahau. E hia te hautau e toe ana ki a koe?
Kia pērā anō mō te haurua i ētahi atu huinga, pērā i te ono, te waru, te tekau mā whā.Whakamāramahia te tuhinga hei whakaatu i te mahi nei:
Koia nei te rerenga kupu hei whakaatu i tā tātou mahi nē – hauruatia te waru, ka whā.
Anei te rerenga pāngarau: 1/2 x 8 =4 . Hauruatia te waru, ka whā.Mā koutou e tuhi ētahi o ngā rerenga pāngarau hei whakaatu i ā koutou mahi whakahaurua i ngā huinga porotiti.Hoatu te whārangi mahi ‘Hautau 3’ (PDF, 88KB)hei whakaoti mā ngā tamariki.
Mō te hauwhā, koia nei ngā huinga e tika ana: {4, 8, 12, 16, 20, 24, 28, 32, 36, 40}
Mō te hautoru, koia nei ngā huinga e tika ana: {3, 6, 9, 12, 15, 18, 21, 24, 27, 30}
Mō te haurima, koia nei ngā huinga e tika ana: {5, 10, 15, 20, 25, 30, 35, 40, 45, 50}Hoatu te whārangi mahi ‘Hautau 4’ (PDF, 75KB) hei whakaoti mā ngā tamariki.
Waiho mā ngā tamariki e tūhura te whakamahinga o te pūrere takahurihuri. Kātahi ka tuku ai i ētahi pātai pēnei i ēnei:
Ina takahurihia te pūrere, he aha te tūponotanga ka tau ki te wāhanga whero?
He aha te tūponotanga ka tau ki te wāhanga kākāriki?
He haurua te tūponotanga ka tau ki te whero, he haurua anō te tūponotanga ka tau ki te kākāriki. He aha te take he ōrite te tūponotanga?
Tekau ngā takahurihanga o te pūrere, e hia ngā wā ka tau ki ia taha? He aha i pērā ai ō whakaaro? Whakamātauria.
He aha te rerenga pāngarau hei whakaatu i tēnei? (1/2 x 10 = 5 ).
Kia pērā anō ngā mahi engari, me whakamahi he porowhita e whakaatu ana i ngā hautoru, i ngā hauwhā, i ngā haurima rānei:
Kei te haere mātou ki te kāinga o Koro Rearua. Kei te hari mātou nā te mea he pūrere whakarearua tāna. |
mā te katoa | |
whakaurua aku rare e whā rearuatia ka waru. |
mā tētahi tamaiti mā te katoa |
|
whakaurua aku āporo e whitu rearuatia ka tekau mā whā. |
Printed from https://nzmaths.co.nz/resource/te-hautau at 5:00am on the 30th March 2024