kutikuti
ruri
ētahi pukapuka mahi
ētahi uhi pukapuka
Whārangi Mahi 1
kāpia
Whārangi Mahi 2
Whārangi Mahi 3
kāri mārō
penerākau
pepa
Whārangi Mahi 4
Pikitia Waeine Aro Kē
Kupu Waeine Aro Kē
measure
|
|
thumb
|
|
span of outstretched arms
|
|
Forefinger
|
|
handspan
|
|
millimetre (mm)
|
|
centimetre (cm)
|
|
cubic centimetre (cm3)
|
|
measurement from tip to elbow
|
|
chart
|
|
unit of measurement
|
|
non-standard unit of measurement
|
|
standard unit of measurement
|
|
estimate
|
|
stretched out at full length
|
Ngā mahi a te pouako | He tauira kōrero mā te pouako | ||||||||||||||||||||
Whakaritea ētahi taputapu ki tētahi wāhi o te akomanga hei tirohanga mā ngā tamariki. He pene, he pukapuka, he tēpu, he rapa, he kī, he papatuhituhi, he hū, he pouaka. Tukuna ētahi pātai mō te whakamahi i ngā wāhanga o te tinana hei ine i ngā taputapu. He mahi takirua. Ka hoatu ngā pikitia Waeine Aro Kē (PDF, 66KB) me ngā kupu ki ia takirua. Ko tā rāua mahi he tūhono i te pikitia ki te kupu (Kupu Waeine Aro Ke).(PDF, 68KB) |
Kei te hiahia ahau ki te whakamahi i ētahi wāhanga o te tinana hei ine i ngā taputapu nei. He aha ngā wāhanga o te tinana e pai ana mō tēnei mahi? Te ringaringa, te waewae, te matimati. Titiro ki ngā pikitia. He tūmomo waeine aro kē katoa ēnei. Ko tā kōrua mahi ko te whakatakoto i te kupu tika ki te taha o te pikitia. E mōhio kē ana ahau he mati tēnā. Mēnā he mati tēnā, he matikara tēnei. He aha kē te kupu tika mō tēnei pikitia? |
||||||||||||||||||||
Titiro anō ki ngā taputapu kua whakaritea. Hoatu te Whārangi Mahi 1 (PDF, 66KB) ki ngā tamariki.
|
He mahi takirua tēnei. Tirohia ngā taputapu katoa. Tuhia ō kōrua whakaaro mō te waeine aro kē e tika ana hei ine i te taputapu. Whakatau tata i waenganui i a kōrua he aha te roa o te taputapu. Inea te taputapu mā te waeine aro kē kua whakatauria e kōrua. Mā ia tamaiti e ine. Tonoa te kaiako māna hoki e ine, ka tuhi ai i tana whakautu. He pai te kōnui hei ine i te rapa. Ki ōku whakaaro e rima kōnui te roa o te rapa. He pai tēnā whakatau tata. Me ine ināianei. E ono kōnui kē. |
||||||||||||||||||||
Ka whakarōpū anō i ngā tamariki ki te whakawhitiwhiti whakaaro mō ngā kitenga. | Whakamāramatia mai ngā hua o tā kōrua mahi. I whakaaro māua he pai te tuke hei ine i te tēpu. Ko tā māua whakatau tata, e rua ngā tuke. Tino tata māua. Ko te roa ko te kōtahi me te haurua tuke. He rerekē tā māua nei mahi. I whakatau māua ko te matikara te waeine aro kē e tika ana hei ine i te tēpu. Ko tā māua whakatau tata, ko ngā matikara e whitu. E tika ana māua. Engari e rima noa iho ngā matikara o Whaea. Me pēhea tātou e mōhio ai ko tēhea te roa tika? He aha ngā kitenga? E kite ana koutou i ngā hapa o te ine pēnei? He rerekē te roa o te matikara o Whaea ki tōku, nā reira kāre i ōrite ngā roanga. |
Ngā mahi a te pouako | He tauira kōrero mā te pouako |
Whakawhitiwhiti kōrero ki ngā tamariki mō te mitarau. Tonoa ngā tamariki ki te whakaatu mai i te roa o te mitarau mā ō rātou matimati. |
E mōhio ana koutou he aha te mitarau? Āe. Kāo. He waeine hei ine i te roa. Mahia mai ōu matimati hei whakaatu mai i te roa o te mitarau. |
Whakaritea he pepa rārangi kore mā ia tamaiti. Tonoa ngā tamariki kia tāngia mai te roa o te mitarau ki runga i te pepa (Kaua e whakamahi ruri – ko te whakatau tata noa iho). Hoatu he mitarau pūtoru ki ngā tamariki. Tuhia te kupu ki te papatuhituhi kia kitea ai ngā tamariki. Tonoa rātou kia whakatairite i te roa o te mitarau pūtoru ki te roa o te rārangi kua tāngia. | Anei tētahi pepa māu. Tāngia mai te roa o te mitarau ki runga i te pepa. Āta whakaaro, ka whakatau tata ai. Kaua e whakamahi ruri. Titiro ki te mataono nei. He mitarau pūtoru te ingoa o tēnei mataono. He aha ai? Kōtahi mitarau te roa o ia tapa. He ōrite te roa o te tapa o te mitarau pūtoru nei ki te rārangi kua tāngia mai e koe? Āe. Kāo. He iti ake. Mēnā ka titiro tātou ki ngā taputapu kua inea kētia mā ngā waeine aro kē, kō ēhea o aua taputapu e pai ana kia inea mā te waeine mitarau? He pai te mitarau hei ine i te papatuhituhi? Kāo. He roa rawa te papatuhituhi. Pēhea te pene? Āe. |
Hoatu he tāhei pepa tukutuku mitarau ki ngā ākonga, he kāri māro, he kutikuti hoki. | Ko te mahi ināianei, he hanga i tētahi ruri, 10 mitarau te roa. E hia ngā tapawhā o te pepa tukutuku hei hanga i te ruri nei? 10. Āta tapahia tō pepa tukutuku kia 10 mitarau te roa. Whakapiria ki runga kāri māro. Namahia ia pouaka mai i te 1 ki te 10. |
Hoatu te Whārangi Mahi 2 (PDF, 86KB) ki ngā takirua. Tukua rātou kia mahi. Ka mutu te mahi nei ka whakawhiti kōrero mō ngā kitenga. |
He ōrite te mahi ki te Wharangi Mahi 1 engari ka inea ngā taputapu mā te waeine mitarau. Whakamahia ngā ruri kua hangaia e koutou hei whakatutuki i te mahi nei. He aha ō koutou kitenga? Pēhea te roa o te pene. 12 mitarau. He rerekē te whakautu o tētahi atu. Kāo. |
Whakaritea he tūtohi e whakaatu ana i ngā kitenga. He mahi a rōpū tēnei (takiwhā). Mā ngā tamariki e whakamārama mai ngā kitenga.
|
Whakawhitiwhiti kōrero mō ngā kitenga kua puta mai i ā tātou mahi. Tuhia kia whā ngā kōrero mō te ine i ngā taputapu. |
Ngā mahi a te pouako | He tauira kōrero mā te pouako |
Ka tukuna te rapanga. Whakamārama atu, he rautaki hoki tēnei hei akiaki i ngā tamariki ki te tiaki pai i ā rātou pukapuka. | Kua tonoa te poari o te kura kia whakaritea he uhi pai mō ngā pukapuka mahi. Ko te hiahia kia whakaatu i te tohu o te kura, he momo kōwhaiwhai hoki ki runga i te uhi, kia ātaahua te tiro atu. |
Whakarōpungia ngā tamariki ki te whakawhitiwhiti kōrero. Ka tuhi rātou i ngā whakaaro ki tētahi pepa nui. Whakaritea ētahi o ngā pukapuka mahi hei tauira. Tukuna he pātai mō te kaupapa nei. | He aha te take kua whakaaro pērā ai te poari? Kāre mātou i te tino tiaki i ā mātou nei pukapuka. Mēnā e kite ana i tētahi uhi ātaahua, ka ātaahua hoki ngā mahi i roto. E whakapau moni ana ngā mātua ki te hoko uhi mai i ngā toa. He nui hoki te utu. Ka riro i ngā toa te pūtea mai i ngā uhi nei. He mahi kohi moni mā te kura. |
Whakawhiti kōrero mō te rerekē o te roa o tēnā pukapuka ki tēnā pukapuka. (1B5, 1B4, 1B8, 3B5) | I mua i te hanga uhi, he maha ngā āhuatanga hei whakaarotanga mā tātou. E tika ana kia inea tētahi pukapuka kotahi noa iho (1B5) kātahi ka whakarite uhi mō ngā pukapuka katoa? Kāo. He tino iti ake te 3B5 i te 1B5. Ka raru i te wā ka whakapiri. |
Whakaaturia tētahi uhi kirihou mai i tētahi pukapuka pānui. Tangohia ngā uhi kirihou mai i ngā pukapuka kia taea e ngā tamariki te ine. | Pēhea ngā uhi kirihou? E āhei ana te tango me te whakamahi anō. He rite ki te pūkoro. Me ine hoki ētahi uhi pukapuka kua piri kē ki ngā pukapuka mahi. |
Me whakawhiti whakaaro mō ngā waeine katoa hei whai atu. Whakaritea he pepa nui, pene rākau, taputapu waeine. | He aha ētahi āhuatanga o te uhi pukapuka me aro atu tātou kia tika ai te mahi? Te roa o ngā taha katoa. Te whārangi o mua, o muri hoki. Te roa o te tuara. Te wāhanga o te uhi hei whētui ki roto kia piri ai te uhi ki te pukapuka. Te nohonga o te tohu i runga i te uhi. Te momo whānui o ngā kōwhaiwhai. |
Me kōrero mō te whakarite i te ruri, arā, ko te tohu e hāngai ana ki te tau ‘0’ ki te pito o te wāhi e inea ana. | Pēhea nei te whakamahi tika i ngā taputapu ine, arā te ruri? Me whakatakoto te ruri ki runga i te pukapuka, kia hāngai tonu te tohu mō te 0 ki tētahi pito o te pukapuka. Ka inea te roa o te pukapuka ki te wāhi o te ruri e hāngai ana ki tērā atu pito o te ruri. |
Hoatu te Whārangi Mahi 3 (PDF, 55KB) ki ngā rōpū. | He mahi ā rōpū tēnei. He ine pukapuka te mahi. Kua rārangihia ngā tūmomo pukapuka. |
Ngā mahi a te pouako | He tauira kōrero mā te pouako |
Hoatu i te Whārangi Mahi 4 (PDF, 86KB)ki ngā rōpū. Whakaritea he pepa nui, pene, taputapu waeine, he tauira o ngā uhi pukapuka mai i ngā toa. |
Kua whakaritea he pepa āwhina. Ko tā koutou nei mahi he whakarite i tētahi uhi pukapuka, ngā waeine, ngā tā katoa hei whakaatu atu ki te poari o te kura. He mahi ā rōpū tēnei. Me whakatau, me tuhi hoki he aha ngā mahi a ia tangata. Kia kaha ki te mahi tahi. |
Ngā mahi a te pouako | He tauira kōrero mō te pouako |
Whakaritea he papa whakaatu mā ia rōpū. | Ko te hiahia kia whakaatu mai ia rōpū i ngā uhi kua hangaia, ngā mahere e whakaatu ana i ngā mahi ine, he whakarāpopoto hoki i ngā mahi a ia tamaiti. Tāpirihia mai te Whārangi Mahi 4 (PDF, 86KB) |
Printed from https://nzmaths.co.nz/resource/he-uhi-pukapuka-te-ine-i-te-roa at 4:19pm on the 1st July 2024