Ngā rauemi o Te Poutama Tau
Ngā Kowae Ako
Taumata 1 (whakaaturia)
Taumata | Kōwae Ako | Whāinga Paetae | Whakamārama |
1 | He Tau Mati-Rua | 1 | Ka tūhurangia te uara tū o ngā tau mati-rua. Ko te whakawhānui hoki i ngā meka matua tau mati-tahi ki ngā tau mati-rua. E tino hono ana te kōwae ako nei ki te e-ako Uara Tū 1 me te e-ako Uara Tū 2. I takea mai tēnei kōwae ako i te kōwae ako reo Ingarihi o nzmaths Building with Tens. |
1 | Tatauria | 1 3 | Ka tūhurangia te pūmautanga o te tau me te tikanga o te tatau pānga tahi, te tatau māwhitiwhiti hoki. I takea mai tēnei kōwae ako i te kōwae ako reo Ingarihi o nzmaths Counting on Counting. |
1 | Tāhei Tau Punarua | 3 | E hāngai ana tēnei kōwae ako ki te rauemi matihiko nei, te Tāhei Tau Punarua. Ko tā te Tāhei Tau Punarua he āwhina i ngā ākonga ki te tūhura i ngā tauhono punarua o tētahi tau i waenganui i te 10 me te 30. |
1 | Kia Ū te Mātauranga Tau | 1 | E rima ngā ngohe o tēnei kōwae ako hei whakapakari i te mātauranga tau o te ākonga. |
1 | He Arawhata, He Rārangi Tau1 | 3 | Ka tūhurangia te rārangi tau haupae me te rārangi tau poutū hei whakatauira i te tatau whakamua me te tatau whakamuri, hei whakaoti hoki i ngā rapanga tāpiri me ngā rapanga tango. |
1 | Tauhono Takirua | 1 3 | Ka tūhurangia ngā tauhono takirua o ētahi tau, tae atu ki te 10. Ka whakamahi rauemi hei whakaatu i te horopaki o ngā rapanga, ka tuhi hoki i ngā tauhono takirua hei tāpiritanga. |
1 | Ngā Tikanga o te Tekau | 1 4 | Ka tūhurangia ngā tikanga o te tekau i roto i te tāpiritanga me te tangohanga. Arā, he aha ngā takirua tau ina tāpirihia, ko te 10 te tapeke, ko te hanga hoki i tētahi tekau kia ngāwari ai te whakaoti i te tāpiritanga, te tangohanga rānei. |
Taumata 2 (whakaaturia)
Kōwae Ako | Whāinga Paetae | Whakamārama |
Tāhei Tāpiripiri (Kaupae 5) | 4 | E hāngai ana tēnei kōwae ako ki te rauemi matihiko nei, te Tāhei Tāpiripiri. Ko tā te Tāhei Tāpiripiri he āwhina i ngā ākonga ki te tūhura i ngā rautaki wāwāhi tau mō te tāpiri. Arā tētahi atu kōwae ako e pā ana ki te akoranga matihiko nei, te Tāhei Tāpiripiri, e hāngai ana ki te Kaupae 6. |
Te Uara Tū | 1 | Ka whakaakona ngā tikanga o te pūnaha tekau me te uara tū, me ētahi kēmu hei whakaū i tēnei mātauranga. |
Te Hautau | 3 4 | Ka whakaakona te tikanga o te haurua, te hautoru, te hauwhā me te haurima. Koia nei ngā horopaki: ko te hautau o tētahi āhua; ko te hautau o tētahi roa; ko te hautau o tētahi rōrahi; ko te hautau o tētahi huinga. |
Te Tau Māmā me te Tikanga Paremata | 4 | He āta tirotiro i te rautaki matua nei mō te whakaoti tāpiritanga, tangohanga hoki, arā, te ‘tau māmā me te tikanga paremata’. |
Te Whakatauira Tau Mati-3 | 1 | E hāngai ana tēnei kōwae ako ki te rauemi matihiko nei, Te Whakatauira Tau Mati-3. Ko tā tēnei rauemi, he āwhina i te ākonga ki te tūhura i te tikanga uara tū o ngā tau mai i te 0 ki te 999, me te whakatauira i ngā tau ki ētahi whakaahuahanga e mōhio whānuitia ana. E hāngai ana tēnei kōwae ako ki te Kaupae 5 o Te Mahere Tau. |
Poraka Uara Tū | 1 | E hāngai ana tēnei kōwae ako ki te rauemi matihiko nei, te Poraka Uara Tū. Ko tā tēnei rauemi, he āwhina i te ākonga ki te tūhura i te tikanga uara tū o ngā tau mai i te 0 ki te 9,999. Ka whakamahia he poraka uara tū hei whakaahua i ngā tau. E hāngai ana tēnei kōwae ako ki te Kaupae 5 o Te Mahere Tau. |
Papa Pūkeko | 4 3 | Ko te Papa Pūkeko tētahi tūtohi tukutuku hei āwhina i te ākonga ki te whakaoti whakarea, hei tūhura i ētahi rautaki whakarea, pērā i te tatau māwhitiwhiti. |
Taumata 3 (whakaaturia)
Kōwae Ako | Whāinga Paetae | Whakamārama |
Papa Pūkeko | 4 3 | Ko te Papa Pūkeko tētahi tūtohi tukutuku hei āwhina i te ākonga ki te whakaoti whakarea, hei tūhura i ētahi rautaki whakarea, pērā i te tatau māwhitiwhiti. |
Te Hautau me te Kotahi | 3 | He tirotiro i te hautanga o tētahi āhua, o tētahi roa, o tētahi huinga, me te hononga o te hautanga ki te katoa o te āhua, o te roa, o te huinga. |
Tāhei Tāpiripiri (Kaupae 6) | 3 | E hāngai ana tēnei kōwae ako ki te rauemi matihiko nei, te Tāhei Tāpiripiri. Ko tā te Tāhei Tāpiripiri he āwhina i ngā ākonga ki te tūhura i ngā rautaki wāwāhi tau mō te tāpiri. Arā tētahi atu kōwae ako e pā ana ki te akoranga matihiko nei, te Tāhei Tāpiripiri, e hāngai ana ki te Kaupae 5. |
Papa Whakarea (Tau Mati-Rua Māmā) | 3 | E hāngai ana tēnei kōwae ako ki te rauemi matihiko nei, te Papa Whakarea. Ko tā te Papa Whakarea, he āwhina i ngā ākonga ki te tūhura i ngā rautaki wāwāhi tau mō te whakarea. I tēnei kōwae ako, ka whakamahia te Papa Whakarea ki te whakarea i tētahi tau mati-2 māmā ki tētahi tau mati-1. |
Papa Whakarea (Tau Mati-Rua) | 3 | E hāngai ana tēnei kōwae ako ki te rauemi matihiko nei, te Papa Whakarea. Ko tā te Papa Whakarea, he āwhina i ngā ākonga ki te tūhura i ngā rautaki wāwāhi tau mō te whakarea. I tēnei kōwae ako, ka whakamahia te Papa Whakarea ki te whakarea i tētahi tau mati-2 ki tētahi tau mati-1. |
Te Tau ā-Ira | 1 | Ko te tau-ā-ira te kaupapa ka tirohia i konei. E tino whakamahia ana te tau-ā-ira i roto i ngā tūāhua horopaki huhua o ia rā, nō reira he kaupapa nui hei ako mā ā tātou tamariki. Ka takea mai te mātauranga e pā ana ki te tau-ā-ira i te hautau. |
Te Whārite | 3 | He tirotiro i te whakamahinga o te pū (reta) i roto i te whārite hei tohu i tētahi tau, me te whakaoti i te whārite mā te rautaki ‘paheko kōaro’. |
Te Whakaaro Tūhonohono | 3 5 | Ka tūhurangia ētahi rautaki paheko tau e whai wāhi mai ana te whakaaro tūhonohono. |
He Tūhuratanga Tauira Tau | 6 7 | He tirotiro i ētahi tauira tau ka puta ake i ngā tauira tāruarua. |
Te Heketea ā-Ira | 1 | Ka whakaakona ngā tikanga o te punaha ngahuru mō te tau ā-ira. Arā, ko te huri i te hautau hei tau ā-ira, ko te whakaatu me te raupapa i te tau ā-ira, ko te whakaawhiwhi i te tau ā-ira. Kia rua wiki pea te roa hei whakaoti i tēnei kōwae ako. |
Te Whakatauira Tau Mati-6 | 1 | E hāngai ana tēnei kōwae ako ki te rauemi matihiko nei, Te Whakatauira Tau Mati-6. Ko tā tēnei rauemi, he āwhina i te ākonga ki te tūhura i te tikanga uara tū o ngā tau tae atu ki te 999 999, me te whakatauira i ngā tau ki ētahi whakaahuahanga e mōhio whānuitia ana. E hāngai ana tēnei kōwae ako ki te Kaupae 6 o Te Mahere Tau. |
Taumata 4 (whakaaturia)
Kōwae Ako | Whāinga Paetae | Whakamārama |
Papa Whakarea (Kaupae 7) | 5 | E hāngai ana tēnei kōwae ako ki te rauemi matihiko nei, te Papa Whakarea. Ko tā te Papa Whakarea, he āwhina i ngā ākonga ki te tūhura i ngā rautaki wāwāhi tau mō te whakarea. I tēnei kōwae ako, ka whakamahia te Papa Whakarea ki te whakarea i tētahi tau mati-2 ki tētahi tau mati-2, hei whakatauira i te hātepe ōkawa mō te whakarea. |
Wehea Mā Te Hautau | 5 | He tūhura i te wehenga o tētahi tau mā tētahi hautau, me te whakaputa i te ture e hāngai ana. |
He Tau Nui | 1 2 | Ka tūhurangia te tuhinga me te rahi o ngā tau nui (tae atu ki ngā piriona), me te whakaoti rapanga e whai wāhi mai ana he tau nui. |
Moni Taurewa, Moni Penapena | 2 5 6 | E hāngai ana tēnei kōwae ako ki te rauemi matihiko nei, Moni Taurewa, Moni Penapena. Ko tā te rauemi nei, he āwhina i te ākonga ki te tūhura i te tāpiri me te tango tau tōpū. E hāngai ana tēnei kōwae ako ki te Kaupae 7 o te Mahere Tau (Te Poutama Tau), ā, he āhua ōrite ki te kōwae ako reo Ingarihi Loans and Savings. |
Te Hautanga o te Hautau | 5 6 | E hāngai ana tēnei kōwae ako ki te akoranga matihiko nei, Te Hautanga o te Hautau. Ko tā tēnei rauemi, he āwhina i ngā ākonga ki te tūhura i tētahi rautaki hei whiriwhiri i te hautanga o tētahi hautau. He āhua ōrite tēnei kōwae ako ki te kōwae ako reo Ingarihi Fractions of Fractions. |
Te Ōrau | 5 6 | He tirotiro i te hononga o te ōrau, te hautau me te hautanga-ā-ira. Ka whakaotia he rapanga e whai wāhi mai ana te whiriwhiri ōrau o tētahi rahinga. |
He Pānga Riterite | 5 6 | He tūhura i ngā rapanga pānga riterite, ngā rautaki hei whakaoti i ēnei momo rapanga, me te reo e hāngai ana. |
Te Tāhei Ōrau | 5 6 | E hāngai ana tēnei kōwae ako ki te rauemi matihiko nei, te Tāhei Ōrau. Ko tā te Tāhei Ōrau, he āwhina i te ākonga ki te whiriwhiri i te ōrau o tētahi tauoti. He āhua ōrite tēnei kōwae ako ki te kōwae ako reo Ingarihi The Percentage Bar. |
Whakaranua 1 | 5 | E hāngai ana tēnei kōwae ako ki te rauemi matihiko nei, ‘Whakaranua’. Ko tā tēnei rauemi matihiko, he āwhina i te ākonga ki te whiriwhiri i te ōrau toharite o ngā mea o roto i ētahi ipu he ōrite te rahi. He āhua ōrite tēnei kōwae ako ki te kōwae ako reo Ingarihi Mix Up 1. |
Tāhei Hautau | 5 | E hāngai ana tēnei kōwae ako ki te rauemi matihiko nei, te Tāhei Hautau. Ko tā te Tāhei Hautau, he āwhina i ngā ākonga ki te whiriwhiri i te hautanga o tētahi tauoti. Ka whai wāhi mai ngā hautau mai i te kore ki te tahi, me ngā hautau mai i te tahi ki te rua. |
Te Ōwehenga me te Hautau | 4 5 | He tirotiro i te tikanga o tēnei mea te ōwehenga me tōna hononga ki te hautau. Kia rua wiki pea hei whakaoti i ngā mahi o tēnei kōwae ako. |
Te Whakatauira Tau Mati-ā-Ira | 2 | E hāngai ana tēnei kōwae ako ki te rauemi matihiko nei, Te Whakatauira Tau Mati ā-Ira. Ko tā tēnei rauemi, he āwhina i te ākonga ki te tūhura i te tikanga uara tū o ngā tau e toru ngā mati ā-ira, me te whakatauira i ngā tau ki ētahi whakaahuahanga e mōhio whānuitia ana. E hāngai ana tēnei kōwae ako ki te Kaupae 7 o Te Mahere Tau. |
Whakaranua 2 | 5 | E hāngai ana tēnei kōwae ako ki te rauemi matihiko nei, ‘Whakaranua’. Ko tā tēnei rauemi matihiko, he āwhina i te ākonga ki te whiriwhiri i te ōrau toharite o ngā mea o roto i ētahi ipu he rerekē te rahi. He āhua ōrite tēnei kōwae ako ki te kōwae ako reo Ingarihi Mix Up 2. |
Taraiwa | 8 | E hāngai ana tēnei kōwae ako ki te rauemi matihiko nei, Taraiwa: Rapanga Māmā. Ko tā tēnei rauemi matihiko, he āwhina i te ākonga ki te tūhura i te pānga rārangi kei waenganui i te tawhiti me te wā (mēnā he pūmau tonu te tere). E hāngai ana ki te Kaupae 7 o te Mahere Tau (Te Poutama Tau). He āhua ōrite tēnei kōwae ako ki te kōwae ako reo Ingarihi Drive. |
Taumata 5 (whakaaturia)
Kōwae Ako | Whāinga Paetae | Whakamārama |
Kia Tere | 2 9 | Ka tirohia te ine, te whakaatu, me te whakatairite i te tere o tētahi waka, o tētahi tangata rānei. Ka whai wāhi mai ko te rārangi tau matarua me te kauwhata rārangi. |
Te Whakaawhiwhi | 4 | He tirotiro i te whaitakenga o te whakaawhiwhi tau, me ngā rautaki whakaawhiwhi. Ko te nuinga o tēnei kōwae ako, he mea whakamāori, whakawhānui hoki i te kōwae reo Ingarihi Rounding Numbers. |
Ngā rauemi o Tihei Pāngarau.
He rauemi e hāngai ana ki te kohinga pukapuka o Tihei Pāngarau. Ko ētahi mā te hunga ākonga, ko ētahi mā te pouako.